Kritikëve, Edi Rama: Nuk jemi Zoti, nuk zgjidhim me magji probleme! Por…

Pas kritikave të shumta për moszbatimin e porosive të OBSH dhe mostrajtimit të atyre që kanë lidhje me të infektuarit dhe mund të jenë prekur me koronavirus, ka reaguar Kryeministri Edi Rama duke thënë se qeveria po bënë gjithçka që është mundur por nuk janë Zoti!

“Ne po bëjmë e do bëjmë gjithçka që është e mundur mbi këtë tokë, po nuk jemi Zoti dhe nuk zgjidhim dot me magji probleme e halle që janë reale, por që janë pjesëe të qenit në luftë!” thotë Edi Rama në reagimin e tij përmes rrjetit social Facebook i bindur se askush nuk do bënte më shumë por nuk e heq dot unin “Unë” dhe “qeveria ime”:

“Askush nuk do të bënte më shumë për ju, se sa po bëjmë dhe do të bëjmë deri në fund, Unë dhe qeveria ime! Me mish e me shpirt!

Reagimi:

-O JU VËLLEZËR E MOTRA QË BËNI CA PYETJE SIKUR PO VUANI NGA DORA E ROBIT, JO NGA DORA E ZOTIT!
-A DO TA KUPTONI EDHE JU, SIÇ E KA KUPTUAR SHUMICA, SE KJO ËSHTË LUFTË E VËRTETË DHE PYETJA ËSHTË:
-PO T’I SHIHNIT AVIONËT QË JU BOMBARDOJNË MBI KOKË DHE PLAGËT QË HAPIN, A DO TI BËNIT ATO LLOJ PYETJESH?
-PRESIDENTI I FRANCËS MBRËMË I THA PESË HERË POPULLIT TË TIJ: JEMI NË LUFTË!
-JU LUTEM NDAJENI MENDJEN:
-JEMI NË LUFTË!
-NUK JENI NË SHTËPI SE DUA UNË, PO SEPSE KA NJË ARMIK QË KA SULMUAR VENDIN TONË!
– PRANDAJ BËNI SECILI LUFTËN TUAJ DHE BËNI DURIM!
-NE PO BËJMË E DO BËJMË GJITHÇKA QË ËSHTË E MUNDUR MBI KËTË TOKË, PO NUK JEMI ZOTI DHE NUK ZGJIDHIM DOT ME MAGJI PROBLEME E HALLE QË JANË REALE, POR QË JANË PJESË E TË QENIT NË LUFTË!
-ASKUSH NUK DO TË BËNTE DOT MË SHUMË PËR JU, SE SA PO BËJMË DHE DO TË BËJMË DERI NË FUND, UNË DHE QEVERIA IME!
-ME MISH E ME SHPIRT!