Kritikëve të Anti-KÇK, Kryeministri Rama: Përçartje kolektive brenda kutisë së TV!
Edi Rama edhe sot është marrë me kritikët e Aktit normativ Anti-KÇK duke shtuar dozën e akuzave në mënyrën që vetëm ai di. Si Kryeministër që ende nuk është çartë i akuzon ata për përçartje kolektive brenda kutisë së televizorit, dhe meqë është me të kaluar të pastër qelibar, ka luksin ti akuzoj ashtu si dhe Partinë Demokratike, se mes krimit e qeverisë ata zgjedhin krimin.
“Jo vetëm PD po edhe plot të ashtuquajtur analistë e komentatorë po i kundërvihen antiKÇK-së, në një përçartje kolektive brenda kutisë së televizorit! Sepse për ta krimi është ushqimi i politikës e audiencave së tyre kundër qeverisë dhe mes krimit e qeverisë ata zgjedhin krimin,” thekson përmes rrjetoti socila Twitter, Kryeministri Edi Rama me të pastërtinë e tij të figurës që do ka ta kishin zili kryeministri i Danimarkës dhe ai i Norvegjisë.
Reagimi i plotë:
Jo vetëm PD po edhe plot të ashtuquajtur analistë e komentatorë po i kundërvihen antiKÇK-së, në një përçartje kolektive brenda kutisë së televizorit! Sepse për ta krimi është ushqimi i politikës e audiencave së tyre kundër qeverisë dhe mes krimit e qeverisë ata zgjedhin krimin.
Anti-KÇK është reagimi i duhur në kohën e duhur, kur puna e sakrificat e policisë poshtërohen nga prokurorë&gjykatës të korruptuar,të cilët janë partnerë të krimit jo nuk dënojnë, po lirojnë vrasës e trafikantë të dënuar dhe punojnë të kapin ç’të kapin para se t’i fshijë Vetingu.
Ligji Special është frymëzuar nga dashuria për këtë vend dhe vullneti i hekurt për të shkatërruar burimet financiare të krimit, duke marrë shembull nga historitë e suksesit të vendeve si Italia e Britania e Madhe që me ligjet speciale goditën në zemër mafian apo terrorizmin?
Koha do të provojë përsëri edhe njëherë se dashuria për vendin, vullneti për ta bërë shtet modern Shqipërinë, vendosmëria për t’i rënë me kokë mureve të vjetra, do të fitojnë mbi hipokritët, dembelët e parazitët që jetojnë me llafe, gënjeshtra e broçkulla duke helmuar shqiptarët!
