Kriza e eksporteve vijon edhe në janar, rritja 4.9% nga nafta

Eksportet shënuan rënie në të gjitha grupet për janarin 2025 në raport me të njejtën periudhë të një viti më parë, përveç naftës e cila ndikoi në rritjen e përgjithshme të eksporteve në vlerë prej 5.9 për qind.
Cilat sektorë ndikuan në rritjen e eksporteve?
Sipas Instat në Janar 2025 eksportet e mallrave arritën vlerën 31 mld lekë, duke u rritur me 4.9 për qind, në krahasim me të njëjtën periudhë të një viti më parë dhe duke u rritur me 21.7 për qind, në krahasim me Dhjetor 2024.
Importet e mallrave arritën vlerën 60 mld lekë, duke u rritur me 0.1 për qind, në krahasim me një vit më parë dhe duke u ulur me 23.5 për qind, në krahasim me Dhjetor 2024. Defiçiti tregtar i këtij muaji është 29 mld lekë, duke u ulur me 4.5 për qind, krahasuar me Janar 2024 dhe duke u ulur me 45.4 për qind, në krahasim me Dhjetor 2024.
Kontributi i grupeve kryesore në ndryshimin vjetor të eksporteve
Gjatë muajit Janar 2025, në rritjen e eksporteve prej 4.9 për qind, kanë ndikuar grupet: “Minerale,
lëndë djegëse, energji elektrike” me 13,0 pikë përqindje, “Ushqime, pije, duhan” me 0.5 pikë përqindje, “Makineri, pajisje dhe pjesë këmbimi” me 0.3 pikë përqindje. Ndërsa negativisht kanë ndikuar grupet: “Materiale ndërtimi dhe metale” me 5,6 pikë përqindje, “Tekstile dhe këpucë” me 2.3 pikë përqindje, “Produkte kimike dhe plastike” me 1.1 pikë përqindje etj.
Kontributi i grupeve kryesore në ndryshimin vjetor të importeve
Gjatë muajit Janar 2025, në rritjen e importeve prej 0.1 për qind, krahasuar me Janar 2024, pozitivisht kanë ndikuar grupet: “Minerale, lëndë djegëse, energji elektrike” me 1.67 pikë përqindje, “Ushqime, pije, duhan” me 1.65 pikë përqindje, “Produkte kimike dhe plastike” me 0.99 pikë përqindje. Ndërsa negativisht kanë ndikuar grupet:
“Materiale ndërtimi dhe metale” me 3.3 pikë përqindje, “Makineri, pajisje dhe pjesë këmbimi” me 0.8 pikë përqindje, “Lëkurë dhe artikujt prej tyre“ me 0.14 pikë përqindje.
Ecuria e tregtisë së mallrave sipas vendeve partnere
Në muajin Janar 2025, vendet me të cilët Shqipëria ka pasur rritjen më të madhe të eksporteve, në krahasim me Janar 2024 janë: Kosova 91.6 për qind, Greqia 2.0 për qind, Spanja 86.0 për qind, etj. Ndërsa vendet me të cilat eksportet kanë pasur uljen më të madhe, janë: Italia 17.7 për qind, Gjermania 1.6 për qind, Turqia 43.1 për qind etj.
Në muajin Janar 2025, vendet me të cilët Shqipëria ka pasur rritjen më të madhe te importeve, janë: Italia 5.9 për qind, Kina 45.4 për qind, Greqia 2.1 për qind, etj. Ndërsa vendet me të cilat importet kanë pasur uljen më të madhe në krahasim me Janar 2024 janë: Turqia 9.1 për qind, Gjermania 2.0 për qind, SHBA 55.5%, etj.
Shkëmbimet tregtare me vendet e BE-së zënë 56.9 për qind, të gjithë tregtisë. Në Janar 2025, eksportet drejt vendeve të BE-së zënë 68.2 për qind të eksporteve gjithsej dhe importet nga vendet e BE-së zënë 51.1 për qind të importeve gjithsej.
Partnerët kryesorë tregtarë janë: Italia 27.2 për qind, Kina 9.9 për qind, Greqia 7.7 për qind, Kosova 7.0 për qind./Monitor/