Kriza në Shqipëri/ Basha në Westminster: Mënyra e vetme për zgjidhjen politike është…
Kryetari i Partisë Demokratike Lulzim Basha, gjatë vizitës në Westminster ku u takua me kryesuesit e Grupit Parlamentar bipartizan për Shqipërinë në Parlamentin Britanik, deputetët John Grogan dhe Martin Vickers, u shprehë qartë se nuk ka zgjedhje pa u ndëshkuar politikanët që vodhën me krimin zgjedhjet e 2017 ndërsa foli edhe për mënyrën e vetme për zgjidhjen politike të krizës!
“Zgjedhjet e diktuara nga krimi janë rrënja e krizës, sepse kanë prodhuar një parlament të diktuar nga krimi dhe jo nga vota e shqiptarëve. Politikanet që janë kapur në bashkëpunim me krimin e organizuar për të vjedhur zgjedhjet e 2017-ës, duhet të ndëshkohen dhe jo të promovohen,” tha Lulzim Basha gjatë diskutimit ku u fol gjerësisht për shkaqet e krizës politike në Shqipëri, krizën kushtetuese, mungesën e Gjykatës Kushtetuese, mungesën e Gjykatës së Lartë, mungësën e një Prokurorie të pavarur që nuk i mbyll, por i heton dosjet e krimit të lidhur me pushtetin.
Pa shkëputur lidhjet e krimit me politikën nuk mund të ketë zgjedhje të lira dhe të ndershme, tha Kryetari i PD, Lulzim Basha, dhe ka vetëm një mënyrë pë zgjidhjen e krizës:
“Largimi i qeverisë dhe kryeministrit të kapur në flagrancë duke bashkëpunuar me krimin për të shkatërruar procesin zgjedhor të 2017 dhe krijimi i një qeverie tranzitore janë mënyra e vetme për zgjidhjen politike të krizës.”
Ndërkohë delegacioni i përbërë Lulzim Basha, Kryetari i PR, Fatmir Mediu, Aldo Bumçi dhe Xhemal Gjunkshi, zhvilloi një takim në Dhomën e Lordëve me Zv/President i Asmblesë Parlamentare të OSBE-së dhe njëherësh, anëtar i Dhomës se Lordëve në Parlamentin Britanik,
Lordin Peter Bowness.
