Kriza në Ukrainë/ Kryengritësit prorus: Një fshat është granatuar! Kievi: Rusët fshehin krimin!
Kryengritësit në lindje të Ukrainës që mbështeten nga Federata Ruse, kanë akuzuar forcat qeveritare të Kievit se kanë granatuar sot një fshat, raporton Agjencia ruse e lajmeve Interfax. Por Shefi i Shtabit të Forcave të Armatosura të Ukrainës, Gjeneralkolonel Alexander Pavliuk, thekson se forcat që mbështet Rusia kanë intensifikuar aksionet provokuese.
Ndërkohë Kievi dhe kryengritësit edhe dje kanë akuzuar njëra tjetrën për përshkallëzimin e tensonit pas sulmeve me artileri, që shkaktuan frikë se Rusia mund të përfshihet në këtë konflikt.
Kremlini theksoi se është “shumë i shqetësuar” për shkak të përshkallëzimit të situatës në Ukrainë dhe gjithçka që po ndodhë po vështrohet me kujdes.
Sipas Agjencisë ruse të lajmeve Interfax, e vetëshpallura Republika Popullore e Donjeckut thekson se është granatuar fshati Petrivske, i cili ndodhet në rajonin e pushtuar, në 5 e 30 minuta sipas orës lokale (3:30 sipas GMT).
Dhe, absurdi i propagandës ruse vazhdon ku në një zonë ku forcat ukrainase granatojnë, siç pretendon pala ruse, forcat ruse të Moskës tërhiqen, arsye këto evidente për shqetësimin e NATO-s dhe SHBA!
Kështu, Interfax gjithashtu raporton se Ministria ruse e Mbrojtjes ka publikuar disa njësite të këmbësorisë dhe gjenios duke u kthyer në bazë në rajonet Dagestan dhe Çeçeni, sipas tyre, pasi përfunduan stërvitjet në Krime.
Deklaratë të cilën Kievi dhe Perëndimi e kontestojnë duke theksuar se njësitet e caktuara dhe pajisjet, vetëm janë zëvendësuar.
Por Shefi i Shtabit të Forcave të Armatosura të Ukrainës, Gjeneral-kolonel Alexander Pavliuk, ka sqaruar se forcat që mbështet Rusia kanë intensifikuar aksionet provokuese në prag të Konferencën në München në përpjekje për të provokuar forcat ukrainase që të përgjigjen me zjarr.
“Rusia po përhap lajme të rreme për gjoja granatimin e një kopshti fëmijësh,” tha ai duke folur për incidentin duke shtuar:
“Gjithçka është realizuar në mënyrë që Forcat e Armatosura të Ukrainës të provokohen për të kryer një hakmarrje dhe ti akuzojnë për gjenocid. Në vend të kësaj, forcat tona i përmbahen Marrëveshjes së Minskut dhe përgjigjen vetëm pasi të jenë konsumuar të gjitha mjetet për ndërprerjen e zjarrit përmes OSBE, kur jetët e ushtarëve të jenë në rrezik.
Ndryshe, në këtë situatë, Presidenti amerikan Joe Biden tha se janë të gjitha shenjat se Rusia po planifikon të ndërhyjë në Ukrainë: “Ata nuk kanë larguar asnjë nga trupat, kanë dërguar më shumë trupa. Kemi arsye të besojmë se po angazhohen në një operacion për të krijuar pretekst për të ndërhyrë. Të gjitha shenjat tregojnë se ata janë gati të ndërhyjnë në Ukrainë, të sulmojnë Ukrainën.”
