Kriza parlamentare, Bislimi: LVV tani nuk ka nevojë për partnerë!

Zv/Kryeministri i Kosovës në detyrë, Besnik Bislimi, duke fol për Deutsche Welle lidhur me krizën parlamentare, tha se Lëvizja Vetëvendosje nuk ka nevojë për partnerë.

Zv/Kryeministri i Kosovës në detyrë, Besnik Bislimi, i cili njëkohësisht është edhe drejtues i delegacionit të Kosovës në dialogun me Serbinë, po qëndron për vizitë në Aachen të Gjermanisë ku ndër tjerash është edhe shefja e Komisionit Evropan Ursula von der Leyen. 

Në një intervistë ekskluzive për Deutsche Welle, Bislimi thotë se “Kosova nuk ka krizë qeveritare në Kosovë por ka pengesa në zgjedhjen e kryesuesve të Kuvendit”. Lidhur me krizën në Kosovë pas zgjedhjeve dhe bllokimin e Parlamentit, Zv/Kryeministri në detyrë i Kosovës fajëson partitë e deritanishme në opozitë, që nuk po duan të votojnë në Kuvend.

I pyetur nga Deutsche Welle në Aachen të Gjermanisë se me cilët partnerë LVV do ta tejkalojë bllokadën në Parlament, ku as pas 23 vazhdimesh nuk ka zgjedhje të kryetares së propozuar Albulena Haxhiu, Zv/Kryeministri Bislimi tha se kërkesat e opozitës janë të pakuptimta.

Nuk kemi krizë qeveritare

“Ne në fakt nuk kemi krizë qeveritare. Qeveria është në detyrë. Ajo po pret Qeverinë e reqë do të jetë pak a shumë me përbërje të ngjashme me atë të vjetrën. Ajo ku për momentin kemi ngecur është te konstituimi i Parlamentit, për të cilin si duket ka interesim të disa subjekteve politike që ta bllokojnë, duke paraqitur kërkesa që janë të pakuptimta dhe nuk i ndihmojnë shëndetit të demokracisë në Kosovë”, theksoi Bislimi.

Ndërsa në pyetjen se kush janë partnerët e preferuar të LVV-së për tejkalimin e bllokadës në Parlament, Bislimi u shpreh: “Tash Kuvendi është i 120 deputetëve dhe duhet të konstituohet nga 120 deputetë. Aty nuk ka nevojë për partnerë. Secili e ka pjesën e vet të përgjegjësisë”.

LVV ka paraqitur alternativa

“Të gjithë bashkë e konstituojmë Parlamentin”, theksoi Bislimi, duke shtuar se “LVV-ja e ka paraqitur propozimin e saj dhe e ka kryer pjesën e punës që i takon, ndërsa partitë e tjera do të duhej të votojnë.

‘Ajo që kërkohet nga kjo fazë është që subjekti ta bëjë nominimin dhe të votojë”, theksoi Bislimi duke shtuar se “partitë e tjera duhet të marrin pjesë në votim dhe të ndihmojnë në konstituimin e Kuvendit”. Më pas vjen faza e krijimit të qeverisë së re.

Besnik Bislimi tha se Lëvizja Vetëvendosje ka paraqitur disa propozime dhe alternativa.

“Duke filluar nga konsultimet e deri tek propozihmi për ndryshimin e metodës së votimit, që po shtyrëtohet nga Gjykata Kushtetuese. Por opozita ka refuzuar deri tani propozimet e LVV”./DW/