Kriza politike/ Në kërkim të zgjidhjes, Aleatët e PD takim me Presidentin Meta…

Aleatët e Partisë Demokratike sot në mesditë do të zhvillojnë një takim me Presidentin e Republikës, Ilir Meta.

Takimi i kërkuar nga krerët e partive të qendrës së djathtë, Mediu, Duka, Shehi, Ndoka dhe Dule, në kulmin e krizës politike dhe me qëllim të inicimit të një tryeze nga Presidenti, në kërkim të një zgjidhje me të gjithë aktorët politikë, nga Aleatët e PD do të shoqërohet edhe me një Platformë.

Platforma e prezantuar dje për marrëveshje kushtetuese, do ti paraqitet nga partitë e Qendrës së djathtë edhe Presidentit Meta për të gjetur një konsensus të gjerë me qëllim të zgjidhjes së krizës politike.

Ndërsa në orët e pasdites, kryetari i Partisë Demokratike do të zhvilloi një takim me krerët e partive të Qendrës së djathtë, ku pritet të diskutohet vazhdimësia e aksionit opozitar.

Ndërkohë që sot, në orën 11:00, do të takohen me Presidentin partitë e opozitës që nuk janë regjistruar në zgjedhjet vendore, duke e bërë të qartë se me Edi Ramën Kryeministër, proces zgjedhor nuk do të ketë.