Kriza politike/ Përfundon takimi Palmer-Basha. Detajet…

Zv/Nd.Sekretari amerikan i Shtetit për Evropën, Matthew Palmer, në vijim të axhendës së tij në Tiranë ka zhvilluar sot një takim me Kryetarin e Partisë Demokratike, Lulzim Basha.

Detajet rreth takimit i cili u zhvillua me dyer të mbyllura në Zyrën e Kryetarit të Partisë Demokratike, i ka dhënë Lulzim Basha përmes rrjetit social Twitter, ku thekson mungesën e Gjykatës Kushtetuese dhe Gjykates së Lartë, pandeshkueshmerinë, krimin, korrupsionin dhe krizën politike.

“Bisedë e hapur dhe konstruktive me Mattheë Palmer mbi situatën: mungesën e Gjykatës Kushtetuese dhe Gjykates së Lartë, pandeshkueshmeria, krimi, korrupsioni dhe kriza politike.

Përkushtim i përbashket për demokraci, shtetin e së drejtës dhe mirëqeverisjen si rruga e vetme për stabilitet dhe Shqipërinë në BE,” thekson Kryetari i PD, Lulzim Basha.

Në takim, Zv/Nd.Sekretari amerikan i Shtetit për Evropën, Matthew Palmer ishte i shoqëruar me  Të Ngarkuarën me Punë a.i. Leyla Moses-Ones  ndërsa Luzlim Basha ishte i shoqëruar me ish-deputetët Aldo Bumçi dhe Oerd Bylykbashi.

Ndërkohë pritet një deklaratë në fund të vizitës së Zv/Nd.Sekretarit amerikan i Shtetit për Evropën, Matthew Palmer, në Tiranë e cila do të finalizohet me Presidentin Ilir Meta.

Ndryshe, më herët Mattew Palmer zhvilloi një takim me gazetarët ku ka shuar menjëherë dhe kuriozitetin e shumpërfolur për praninë e tij rreth krizës politike: 

“Nuk jam në Shqipëri për të negociuar zgjidhjen e krizës politike”.

Ai ka inkurajuar të gjitha partitë politike të marrin pjesë në zgjedhjet e qershorit ndërsa bojkotin nga opozita e vlerësoi si fatkeqësi:

“Nuk është zgjidhje djegia e mandateve nga opozita, duhet të gjej një mënyrë për të marr pjesë në zgjedhje. Do të ishte fatkeqësi nëse opozita nuk do të merrte pjesë në këtë proces demokratik.”

Për Zv/Nd.Sekretarin amerikan të Shtetit për Evropën, Qeveria dhe Parlamenti janë legjitime dhe Shqipëria i ka të gjitha mundësitë për të çuar përpara Reformën në Drejtësi.

Detyrë e opozitës, sipas Mattew Palmer, është të bindë elektoratin që të vijë në pushtet nëpërmjet votës. Dhe:

“Nuk ështe detyrë e qeverisë të bindë opozitën të hyjë në zgjedhje. Kjo është një e drejtë ekskluzive që duhet ta vendosë opozita,” tha
Zv/Nd.Sekretari amerikan i Shtetit për Evropën, Matthew Palmer i cili edhe me këtë rast nuk dha një emër për Ambasadorin e ri:

“Shpresoj që së shpejti të kemi një emër!”