Kriza politike/ Zgjidhja e Edi Ramës: O pika që s’ju bie!

Kryeministri Edi Rama u bë i gjallë pas lajmit në disa media se ishte shtruar në spital pasi kishte pësuar parainfarkt. Që i ka ra pika, pak kush e besoi por që është mjeshtër i mallkimit e dinë të gjithë edhe pa u shprehur në rrjetet sociale. Dhe, kur mallkimi është përgjigja që ai i jep krizës politike, ndihmon jo vetëm opozitën por edhe Raportuesin për Shqipërinë pranë PE, Knut Fleckenstein, i cili ditë më parë përkufizoi se kush është mazhoranca qeverisëse.

Sidoqoftë ky është “Kryeministri që Duam” ndonëse me raste e quan opozitë atë që ka në Parlament, në nerva e sipër e pranon se opozitë e vërtetë është ajo dorëzoi mandatet dhe proteston para Parlamentit:

“Opozitë e katandisur në një tufë qorre që mësyn fizikisht rrugëve dhe bën politikë duke sajuar kriza për vendin e sëmundje për kundërshtarin!”

Dhe meqë nuk i ra pika, kjo nuk do të thotë se kryeministri nuk mund të mallkoj, për çka dhe shquhet. Këtë dhe bëri, duke i uruar opozitës përmes Twitterit të tij të dashur:

“O pika që s’ju bie kur thonë plakat.”

Ja statusi i plotë:

“Po boll o boll, boll se s’kam asgjë tjetër përveç larjes së jashtënxjerrjeve tuaja nēpër botë boll! Opozitë e katandisur në një tufë qorre që mësyn fizikisht rrugëve dhe bën politikë duke sajuar kriza për vendin e sëmundje për kundërshtarin! O pika që s’ju bie kur thonë plakat.”