Krizë e thellë, PD: Politika e Edi Ramës po mbyll bizneset!
Përkundër propagandës së Kryeministrit Edi Rama mbi ndihmën që i jep bizneset dhe anulimin e taksave që do ta lehtësoj biznesin e vogël, Partia Demokratike përmes Ish-Deputetes Jorida Tabaku reagon duke sjell fakte se Shqipëria është në një krizë të thellë, dhe janë politikat fiskale të Ramës që sot në Tiranë detyrojnë qindra biznese që të mbyllen.
“Për shtatë vjet me radhë banda ne pushtet ka goditur ekonominë dhe xhepat e shqiptarëve. Paketat fiskale të drejtuara nga Ramavirusi kanë pasur si synim grabitjen e bizneseve përmes taksave të larta dhe politikave jo stimuluese ndaj bizneseve. Rënia e konsumit dhe rritja e papunësisë ka thelluar edhe më tej varfërinë,” tha Jorida Tabaku duke reaguar përmes rrjetit social Facebook ndërsa shton se goditjen më të rëndë e ka marrë shtresa e mesme ndërsa ndihma qesharake ekonomike që ishte sa 0.86 për qind e PBB-së nuk shërbeu për kurrgjë.
Biznesi si kurrë me parë, konstaton Partia Demokratike, është sulmuar, taksat janë rritur, mbi biznesin e vogël është vendosur tvsh, këtë vit fillon dhe fiskalizimi një gjobe prej 53 mijë lekësh për bizneset.
“Si pasojë e gjithë këtyre politikave, sot në Tiranë janë me qindra biznese që mbyllen si pasojë e një krize më të thellë dhe të hershme se e COVID-19. Bizneset mbyllen në rrugët kyç të Tiranës, ndërkohë që me dhjetra biznese të tjera në brendësi të lagjeve janë në zgrip,” vlerëson duke sjellur fakte Ish-Deputetja e Partisë Demokratike. Jorida Tabaku duke përfunduar:
“Shqipëria është në një krizë të thellë dhe sistematike dhe ka nevojë për ndryshim në politikbërje dhe vizion për ekonominë.”
Reagimi plotë:
Ramavirusi që vret bizneset
Për shtatë vjet me radhë banda ne pushtet ka goditur ekonominë dhe xhepat e shqiptarëve. Paketat fiskale të drejtuara nga Ramavirusi kanë pasur si synim grabitjen e bizneseve përmes taksave të larta dhe politikave jo stimuluese ndaj bizneseve. Rënia e konsumit dhe rritja e papunësisë ka thelluar edhe më tej varfërinë. Goditjen më të rëndë e ka marrë shtresa e mesme ndërsa ndihma qesharake ekonomike që ishte sa 0.86% e PBB-së nuk shërbeu për kurrgjë.
Biznesi si kurrë me parë është sulmuar, taksat janë rritur, mbi biznesin e vogël është vendosur tvsh, këtë vit fillon dhe fiskalizimi një gjobe prej 53 mijë lekësh për bizneset.
Si pasojë e gjithë këtyre politikave, sot në Tiranë janë me qindra biznese që mbyllen si pasojë e një krize më të thellë dhe të hershme se e COVID-19. Bizneset mbyllen në rrugët kyç të Tiranës, ndërkohë që me dhjetra biznese të tjera në brendësi të lagjeve janë në zgrip. Shqipëria është në një krizë të thellë dhe sistematike dhe ka nevojë për ndryshim në politikbërje dhe vizion për ekonominë.
