Kroaci, 23 të arrestuar, trafikuan 16 ton marijuanë nga Shqipëria
Operacioni “Tebra” ku morën pjesë 150 policë kroatë, ka vënë në pranga 23 person të cilët nga viti 2016 deri më sot kanë trafikuar 15.73 ton marijuanë të prodhuar në Shqipëri dhe të shitur në Kroaci me një vlerë prej më shumë se 11 milionë euro.
Sot ministria e Punëve të Brendshme ka sqaruar në detaje aksionin e policisë kroate i cili u finalizua pas dy vjet hetimi ndërsa 23 të arrestuarit si pjesë e një grupi të strukturuar kriminal, kur të merren në pyetje nga Uskok do të dalin para gjykatës.
Të kujdesshëm për të mos dhënë emra policia bënë me dije:
“Ekziston dyshimi o bazuar se i dyshuari I.37 vjeç dhe i dyshuari II.35 vjeç nga fillimi i muajit shtator të vitit 2016 deri në qershor të vitit 2019, në rajonin e Kroacisë dhe Bosnje Hercegovinës, duke vepruar bashkë kanë lidhur të paktën 7 persona dhe atë: Të dyshuarin IV.38 vjeç, V.45 vjeç, VI.zyrtaren e policisë 43 vjeç, VII.40 vjeç, VIII.59 vjeç, XX.39 vjeç dhe XIV.26 vjeç, në mënyrë që me blerjen dhe shitjen e sasive të mëdhë të drogave të ndryshme, të përfitojnë një shumë të konsiderueshme të parave.
Në fakt, marijuanën e prodhuar në Shqipëri e kanë blerë nga trafikantë shqiptarë dhe ata të Malit të Zi, në mënyrë që ta transportojnë drejtë Bosnje Hercegocinës dhe Kroacisë.
Për tri vjet, në Kroaci ata kanë trafikuar të paktën 15.73 ton marijuanë duke përfituar një shumë prej të paktën 11.048.270,00 euro, shumë kjo të cilën e kanë ndarë në mes vete, në vartësi të rolit që kishin në këtë veprimtari kriminale.
Me rastin e arrestimit në rajonin e Kroacisë janë sekuestruar:
6.3 kg marijuanë,
25 gram drogë speed,
fidane të marijuanës,
7 peshore digjitale,
2 shkopinjë gome dhe shkop baseballi,
1 pushkë automatike,
2 pushka,
2 revole,
dy bomba dore,
112 copë fishekë,
25.500 eura,
19.300 kuna kroate,
makinë tip Mercedes S 63 AMG,
makinë tip Porsche Cayenne,
makinë tip BMË 740 d,
dy gomone, celularë, karta celulari, kompjutër dhe paisje për transferimin e të dhënave si dhe dokumenta të ndryshëm.
