Kroaci, dështoi referendumi për Euro?

Sovranistët kroatë kanë bërë të ditur sot se kanë mbledhur mbi 300 mijë firma për iniciativën për referendumin “Ta mbrojmë kunën kroate”, por nuk e konfirmuan numrin përfundimtar pasi firmat që mbërrijnë do të përpunohen në ditët në vijim.

Mbledhja e firmave ka përfunduar më 7 nëntor në mesnatë, e qëllimi i iniciativës është ti mundësoj votuesve që përmes referendumit të vendosin për pyetjen: A jeni për atë që në Kushtetutën e Republikës së Kroacisë të futet përkufizimi i cili thotë: Njësia monetare e Republikës së Kroacisë është kuna, e cila ndahet në 100 lipa. Vendimin për ndryshimin e njësisë monetare e marrin votuesit me referendum.”

Për shpalljen e referendumit, qëllimi i të cilit është futja e euros, të nevojshme janë të mbledhen 368.867 firma të ligjshme.

“Sipas të gjithë treguesve kemi kaluar shifrën prej 300.000 firmave të mbledhura, në këtë moment nuk mund të themi për numrin përfundimtar, pasi që librat me firma vazhdojnë të mbërrijnë në qendër, ku ditët në vijim do të përpunohen,” thekson përmes një komunikate anëtari i Këshillit organizativ të iniciativës për refeerndum dhe kryetari i sovranistëve kroat, Marijan Pavliçek.