Kroaci, konflikt me 3 shtetas shqiptarë, theret me thikë një kroat

Policia kroate ka arrestuar një shtetas shqiptar, 41 vjeç, i cili dyshohet se mbrëmë në Kastvo afër Rijekës, pas një konflikti verbal dhe fizik me një shtetas kroat, 48 vjeç, i shkaktoi plagë të rënda nga therja me thikë.

Policia dyshon se shtetasi shqiptar në parkingun e një lokali në Kastvo, ka kryer veprën penale të vrasjes në tentativë, ka bërë të ditur Drejtoria e Policisë në Rijekë.

Përveç shtetasit 41 vjeç nga Shqipëria, në konfliktin verbal kanë marrë pjesë dhe dy shtetas shqiptar, një 22 vjeç dhe një minoren, të cilët policia i akuzon për pjesëmarrje në përleshjen e cila ndodhi në parkingun e makinave.

Tre të dyshuarit u larguan nga vendi i ngjarjes, por shumë shpejtë u arrestuan nga policia dhe iu dorëzuan prokurorisë. Për dy të dyshuarit, meqë minoreni u përjashtua nga kjo masë, u caktua masa e paraburgimit.