Kroaci, përmbyset autobusi me targa të Kosovës

Një autobus me targa të Kosovës është përmbysur në Autostradën A1 pranë Donja Zdençinës. Policia e Zagrebit raporton se nuk ka të lënduar.

Në autobus ndodheshin 26 pasagjerë dhe dy shoferë, raportojnë mediat lokale.
Policia e Zagrebit tha se aksidenti ka ndodhur rreth mesnatës.

“Një autobus me targa të huaja ka dal nga rruga pasi shoferi humbi kontrollin e timonit. Sipas informacioneve tona, askush nuk u lëndua,” tha Policia e Zagrebit.

Mësohet se autobusi i përmbysur në Autostradën A1 në Kroaci, është i kompanisë Harea Travel nga Suhareka.