Kroaci, ura e Peleshcit inaugurohet nga 19-21 korrik

Kroacia do të inauguroj projektin më të madh infrastrukturor të bashkëfinancuar me fondet e BE, urën e Peleshcit, nga 19 deri 21 korrik, bënë të ditur Agjencia shtetërore e lajmeve Hina duke iu referuar një burimi të Komisionit Evropain.

Në hapjen solemne pritet të marrë pjesë Presidentja e KE, Ursula von der Leyen, dhe Komisionerja për politikë kohezive, Elisa Ferreira.

“Duke pasur parasysh se bëhet fjalë për projektin më të madh nga fondet e BE, ato pritet të jenë prezent në ceremoninë e hapjes,” tha burimi i KE duke shtuar se inaugurimi pritet të bëhet më 19, 20 ose 21 korrik. Kjo ceremoni është menduar të bëhet në pikun e sezonit turistik ku mijëra turistë mund të udhëtojnë drejt Dubrovnikut.

Ura në gadishullin e Peleshcit i cili bashkon pjesën jugore dhe atë veriore të Kroacisë duke anashkaluar pjesën tokësore të rrugës në Bosnje Hercegovinë, është projekti më i madh infrastrukturor që nga viti 1986 kur Komisioni Europian ka filluar të bashkëfinancoj projektet  

Ura ka kushtuar 418 milionë euro, ku BE ka financuar 85 për qind të projektit ndërsa Kroacia 15 për qind.

Ndryshe, sot në Bruksel është zhvilluar Forumi i 8 i Kohezionit ku është diskutuar politika kohezive me të cilën Komisioni Europian përmes fondove që ka në dispozicion, bënë përpjekje të ulë pabarazitë zhvillimore në mes të vendeve të Bashkimit Europian.