Kroaci, zgjedhjet parlamentare më 5 Korrik!
Presidenti i Kroacisë, ka shpallur sot 5 korrikun 2020 si datë të zgjedhjeve parlamentare.
“Presidenti i Republikës, Zoran Milanoviç sot ka marrë Vendim për shpalljen e zgjedhjeve për deputetë në Parlamentin e Kroacisë.
Sipas Vendimit mbi shpalljen e zgedhjeve për deputetë në Parlamentin e Kroacisë, zgjedhjet do të mbahen në qendrat e votimit në Republikën e Kroacisë të dielën, më 5 Korrik 2020, ndërsa zgjedhjet në selitë diplomatike-konsulore të Republikës së Kroacisë do të zhvillohen të shtunën, më 4 Korrik dhe të dielën, më 5 Korrik 2020.
Vendimi për shpalljen e zgjedhjeve për deputetë në Parlamentin e Kroacisë hynë në fuqi më 2 Qershor 2020,” thekson njoftimi i Presidentit të Kroacisë Zoran Milanoviç.
Ndryshe, Parlamenti I Kroacisë ka 151 deputetë. 140 deputetë zgjedhen në qendrat e votimit në Kroaci, 3 në diasporë dhe 8 deputetë zgjedhen nga pakicat. Në zgjedhjet parlamentare të vitit 2016, për 151 ulëse në parlament në garë ishin 2.500 kandidatë. Në 11 njësi ishin 177 lista ndërsa në njësinë e 12-të, atë të pakicave, kandiduan 29 kandidatë. Për zgjedhje ishin 12 mijë vëzhgues ndërsa rreth 80 mijë njerëz në këshillat e votimit dhe komisione zgjedhore.
