Kroacia sërish goditet nga tërmeti

Mëngjesin e sotëm, Kroacia u godit edhe nga një tërmet, me magnitudë 4.2 të shkallës Richter.

Tërmeti u regjistrua në orën 07:49, konfirmoi Shërbimi Sizmologjik i Kroacisë ndërsa epiqendra e tij ishte në Petrinje. Lëkundjet u ndjenë jo vetëm në Kroacia, ndërsa panik shkakoi edhe në Slloveni.

Ndryshe, tërmeti shkatërrimtar i 29 dhjetorit që goditi Kroacinë, me fuqi prej 6.4 të shkallës Richter, ishte gjithashtu me epiqendër në Petrinje. Shtatë persona humbën jetën, dhjetëra u plagosën dhe dëmet materiale janë të mëdha.

Ky tërmet është ndjerë në të gjithë rajonin.

Nga ajo ditë, raporton RFE, Kroacia regjistron çdo ditë pasgoditje me intensitet më të vogël.