Kroacia zgjohet me një tërmet të fuqishëm

Një tërmet i fuqishëm ka zgjuar qytetin e Zagrebit ndërsa ka shkaktuar panik ndër gjithë qytetarët e Kroacisë. Sipas Qendrës Sizmologjike Mesdhetare, EMSC, tërmeti i cili ka goditur Kroacinë në orën 06:28 ishte me magnitudë 5.2 të shkallës Rihter dhe thellësi 10 kilometra, me epiqendër 13 kilometra nga qyteti i Sisakut dhe 49 kilometra nga kryeqyteti, Zagreb.

Shefja e Shërbimit Sizmologjik të Kroacisë, Ines Ivançiç, paralajmëroi pasgoditje pas tërmetit të fuqishëm dhe kjo ndodhi ndërsa qytetarët e frikësuar nuk po ktheheshin në shtëpitë e tyre.

Në orën 07:50 EMSC raporton për një tërmet me magnitudë 4.9 të shkallës Rihter me epiqendër 2 km afër Petrinjes.

Ndonë kanë kaluar rreth dy orë qytetarët e Sisakut dhe Zagrebit vazhdojnë të qëndrojnë jashtë shtëpitë të tyre ndërsa masat Anticovid në rrëmujën e krijuar as që diskutohen.

Pasgoditje më të vogëla vazhdojnë ndërsa raportohet se ka dëme materiale. Për fat të mirë, nuk ka viktima.