Kryebashkiakët në partinë e punës, Rrok Dodaj: 0 investim në Bashkinë e Pukës! Edi Rama: E Sigurt!
I kishte ftuar vetë në takim me të zgjedhurit vendorë për disa tema të rëndësishme të bashkëpunimit në interes të komunitetit, por Kryeministri Edi Rama u habit kur i pa kryebashkiakët demokratë të Bashkisë Fushë Arrëz, Hilë Curri, ai i Mirditës Albert Mëlyshi, Kavajës Fisnik Qosja dhe kryetarin e Bashkisë Pukë, Rrok Dodaj.
“Po përpiqem të bëjë një sintezë të arsyeve të këtij takimi. Faleminderit që keni ardhur të gjithë, falënderoj kryetaret e bashkive që nuk janë të partisë tonë të PS, por janë bashkë me ne në ‘partinë e punës’,” tha Edi Rama në partinë në të cilën duke arsyetuar përmbytjen në Vlorë tregoi njohuri për klimën në Austri, Bosnje Hercegovinë e Dubai, por nuk e dinte se çfarë po ndodhë në Pukë!
“Gjithë ky proces që u bë që në fillim edhe me ministrin e Shtetit, rezulton në fund se ishte diçka pozitive. Jo vetëm për pagat, por edhe mënyrën sesi u qas me legealizimet, me ato planet e menaxhimit, me këtë portalin e bashkëqeverisjes që është një vlerë për ne, banorët dhe problematikat.
Unë me të vërtetë jam një vit e gjysmë në mandat si kryebashkiak, jam ndër bashkitë që konkuroj me projekte të domosdoshme sepse është detyra jonë me i shërby çdo qytetari. Kam një vit e gjysmë që nuk gjej asnjë lloj mundësie, 0 investim në Bashkinë e Pukës,” tha Kryetari i Bashkisë Rrok Dodaj, ku Kryeministri Edi Rama nuk kishte përgjigje por vetëm habi:
Edi Rama: Je i sigurt?
Rrok Dodaj: Shumë i sigurt.
Ndryshe, në takim përveç leksionit dhe historikut për përmbytjet, Kryeministri Edi Rama foli me të zgjedhurit vendorë edhe për emergjencat civile në të gjitha prefekturat që bëjnë një deklarim forcash, ku kritikoi Korçën që ka deklaruar 1491 forca dhe ka aktivizuar vetëm 342 forca duke kërkuar mbështetje nga Forcat e Armatosura ndërsa Prefektura Shkodër ka angazhimet më të larta të kapaciteteve vendore dhe ka përdorur më shumë kapacitete nga ato të deklaruara, duke kërkuar mbështetje nga FA vetëm në raste specifike.
