Kryeministër të çmendur ka ende në botë: Rusia shkeli ligjin ndërkombëtar, por kishte arsye serioze!
Kur shohin Kryeministrin Edi Rama se si mbrledhë administratën e Bashkisë Tiranë për të mbrojtur kryetarin e saj Erion Veliaj, ndonëse është arrestuar si hajdut ordiner, dhe të gjithë tjerët që nuk mendojnë si Rama i quan “mutër kënete”, shqiptarët mendojnë se kësi lloj Kryeministri të çmendur nuk ka asnjë shtet në botë! Por, jo, Kryeministër të çmendur ka ende në këtë botë që madje mbrojnë jo hajdut ordiner por dhe kriminel lufte si Vladimir Putinin, si dhe pushtimin e Ukrainës nga Rusia!
I tillë është Kryeministri i Slovakisë, Robert Fico, i cili vlerëson se Rusia shkeli ligjin ndërkombëtar por kishte arsye serioze sigurie për të nisur pushtimin e Ukrainës.
“Askush nuk e kundërshton se përdorimi i forcës ushtarake nga Rusia në Ukrainë ishte një shkelje e ligjit ndërkombëtar. Mirëpo, Rusia kishte arsye serioze sigurie për ta bërë këtë gjë sepse ishte mashtruar prej kohësh rreth zgjerimit të NATO-s,” tha Fico në Konferencën e Veprimit Politik Konservator në SHBA.
“Konflikti mund të kishte përfunduar menjëherë pasi filloi,” tha Robert Fico duke mos treguar si, në fjalimin e tij 15-minutësh, dhe, ndonëse është mik i shtrenjtë i Presidentit të Rusisë, Vladimir Putin, ai foli dhe mbështeti kritikat e Presidentit të SHBA Donald Trump ndaj presidentit të Ukrainës Volodymyr Zelenskyy.
Ndryshe, ky fjalim i Kryeministrit të Slovakisë, Robert Fico, vjen mes tensioneve të rritura mes tij dhe Zelenskyyit.
Robert Fico, i cili mban lidhje miqësore me Rusinë dhe Putinin, kërcënoi Kievin pas ndërprerjes së tranzitit të gazit rus përmes territorit ukrainas më 1 janar duke e quajt Zelenskyyn “armik të Slovakisë”.
