Kryeministrat e Ballkanit sot në Tiranë, Edi Ramës nuk i vjen vetëm Kurti, nga BE prezent Varhelyi!
Në kuadër të përgatitjeve për Samitin e Procesit të Berlinit, që do të mbahet sot në Tiranë, kryeministrat e vendeve të Ballkanit Perëndimor do të takohen në kryeqytetin shqiptar në një takim joformal, ku i vetmi zyrtar evropian që do të jetë i pranishëm në këtë takim të organizuar nga Kryeministri Edi Rama, pritet të jetë Komisioneri për Fqinjësi dhe Zgjerim i BE, Oliver Varheyli, dhe asnjë zyrtar i lartë i Berlinit.
Ndonëse ky takim, është thënë, se ka për qëllim diskutimin dhe koordinimin, për të hartuar kërkesa të përbashkëta, për t’i paraqitur në Samitin e Tetorit, ku pritet të marrin pjesë udhëheqës të vendeve të Bashkimit Evropian, siç duket, koha nuk ka shëruar përbuzjen që Kryeministri Edi Rama i bëri Kosovës dhe kosovarëve.
Kështu, Kryeministri i Kosovës, Albin Kurti, ka vendosur që sot të jetë i pranishëm në edicionin e 25-të Simpoziumit Ndërkombëtar SYMI, në Greqi, i cili është themeluar nga ish-kryeministri George Papandreou, ndërsa në takimin e organizuar nga Kryeministri Edi Rama në Tiranë ka nisur zëvendësin e tij Besnik Bislimi.
Ky vendim i Albin Kurtit, përveç se vjen pas sanksionit të parë në botë që Kosovës i vendosi Kryeministri Edi Rama me anulimin e mbledhjes së dy qeverive në Gjakovë, është më përfaqësuesi i mundshëm për takimin jorformal në Tiranë që organizohet nga një antikosovar si Rama, kur dërgohet Zv/Kryeministri Besnik Bislimi, tashmë i regjur me përballjen e politikave antikosovare nga takimet e zhvilluara me të dërguarin e BE për dialogun Kosovë-Serbi, Miroslav Lajçak.
Por në shërbim të Edi Ramës raportojnë se Zv/Kryeministri Bislimi nuk do pranohet në takim. Atij i është komunikuar nga organizatorët e takimit se niveli i tij është dytësor dhe jo i përshtatshëm dhe se dosja e takimit do t’i dërgohet me postë të sigurt Qeverisë së Kosovës, përkatësisht zyrës së Kryeministrit. Dhe, ky vendim për “nivel dytësor” vjen nga Zyra e tij që i dleegon firmën Zv/Kryeministrit për të gjitha kontratat e rëndësishme dhe me vlerë të madhe, për të mos thënë, që të gjitha të kontestuara
Ndryshe, edhe kjo pak rëndësi ka për Kryeministrin Edi Rama pasi që ai do të mjaftohet me prezencën e Kryeministres së Serbisë, Ana Brnabiç.
