Kryeministri Albin Kurti, homazhe për Qerim Kelmendin

Kryeministri i Kosovës, Albin Kurti sot ka bërë homazhe te ish-luftëtari i UÇK-së, Qerim Kelmendi.

“Baba Haxha dhe Nëna Nurije nuk kanë mundur të mendojnë e as paramendojnë, që djali të cilin e kishin edukuar për çlirim e atdhe, do t’iu vritet mbi dy dekada pas çlirimit nga dora vrastare që s’e do atdheun. Qerimi do të mbetet përherë në kujtimin tonë si luftëtar i lirisë, e liria nuk vritet,” thekson Albin Kurti duke i dhënë lamtumirën e fundit ish-luftëtarit të UÇK-së, Qerim Kelmendi.

Ndryshe, trupi i pajetë i Qerim Kelmendit u gjet në fshatin Zahaq të Pejës, brenda një veture, e cila ishte përfshirë tërësisht nga zjarri.