Kryeministri arreston protestuesit, Basha: Numërimi mbrapsht për Edi Ramën ka nisur!

Kryeministri arreston protestuesit, Basha: Numërimi mbrapsht për Edi Ramën ka nisur!  Pas arrestimeve dhe procedimit të 32 pjesëmarrësve në protestën e Opozitës së Bashkuar më 16 Mars, nga Edi Rama përmes policisë së Ish-Gjeneral Sandër Lleshajt, si dhe procedimit të Sekretarit të Përgjithshëm të PD, Gazment Bardhi, ka reaguar kryetari i Partisë Demokratike, Lulzim Basha, duke theksuar se asnjë procedim penal nuk e ndal Partinë Demokratike dhe qytetarët për të përmbushur misionin tonë për Shqipërinë si gjithë Europa. 

“Përdorimi i militantëve dhe ushtarëve të krimit në Polici për të goditur qytetarët dhe kundërshtarin politik është tipari më i qartë i këtij regjimi kriminal: Edi Rama ka ardhur në pushtet me ndihmën e bandave dhe ka zgjedhur të jetë me bandat kundër popullit.”

Të gjithë bandat, premton Lulzim Basha duke reaguar përmes rrjetit social Facebook, si ajo në qeveri dhe ato në rrugë, do të dalin para drejtësisë!

“Unë dhe Partia Demokratike jemi të vendosur të mbrojmë me çdo mjet të drejtën për të protestuar, të drejtë që e fituam pas 46 vitesh të diktaturës më të përgjakshme në Europë,” thekson kryetari i Partisë Demokratike, Lulzim Basha duke përfunduar:

“Numërimi mbrapsht për Edi Ramën dhe bandën në pushtet ka nisur! #ShqiperiaSiEuropa”