Kryeministri Edi Rama bëhet operacion në QSUT

Kryeministri Edi Rama i është nënshtruar një ndërhyrjeje kirurgjikale në QSUT.

Mësohet se Edi Rama ka hequr apendicitin.

Zyra e Kryeministrit njofton se pas disa testeve imazherike në Qendrën Spitalore Universitare “Nënë Tereza”, kreu i Këshillit të Ministrave u diagnostikua me apendicit akut.

Pas rekomandimit të mjekëve në shërbimin e urgjencës, Kryeministri Edi Rama iu nënshtrua operacionit në orët e para të mëngjesit të sotëm, ku ju hoq apendiciti.

Operacioni u krye nga ekipi i mjekëve kirurgë dhe anestezistë, nën drejtimin e shefit të kirurgjisë në QSUT, Prof.Dr. Arben Gjata.

Ndërhyrja konsiderohet e suksesshme, dhe sipas Zyrës së Kryeministrit, sot gjendja shëndetësore e Kryeministrit Edi Rama është e mirë.