Kryeministri i ri i Rusisë, Mikhail Mishustin

Presidenti i Rusisë, Vladimir Putin i ka propozuar Dumës ruse kryeministrin e ri, Mikhail Mishustin, aktualisht Drejtor i Përgjithshë i Doganave, ka bërë të ditur Zyra e Shtypit në Kremlin.

“Presidenti Vladimir Putin ka zhvilluar njē takim pune me Mikhail Mishustin ku i ka ofruar postin e kryeministrit. Pasi mori miratimin, pranë Dumës ai e propozoi Mikhail Mishustinin, për kryeministër,” thekson Kremlini përmes një komunikate.

Ndërkohë bashkëpunëtorit dhe aleatit të Putinit në shkatërrimin e ekonomisë ruse dhe rendit kushtetues të Rusisë, tashmë ish-kryeministër, Dmitrij Medvedev, iu ofrua posti i Nēnkryetarit të Këshillit për Siguri Kombëtare të Rusisë.

Mikhail Mishustin është Drejtor i Pērgjithshëm i Doganave nga viti 2010.

Ndryshe, presidenti i Rusisë, Vladimir Putin iu drejtua sot kombit ku foli për gjendjen në vend me qëllim, siç tha, përshpejtimin e zgjidhjes së problemeve të mëdha sociale, ekonomike dhe teknologjike.

Ndonëse foli edhe për ndryshime kushtetuese, Kryeministri Dmitrij Medvedev e mori mesazhin dhe pas këtij fjalimi të Putinit ai dha dorëheqje me gjithë kabinetin e tij.