Kryeministri i ri, Theresa May: Shumë Urime, Boris Johnson!

Kryeministri i ri i Britanisë së Madhe është Boris Johnson. Lajmin e ka bërë të ditur Ish-Kryeministrja Theresa May duke e uruar liderin e ri të konservatorëve për fitoren në garë me Jeremy Hunt.

“Shumë urime Boris Johnson, i zgjedhur udhëheqës i konservatorëve – tani duhet të punojmë së bashku për të ofruar një Brexit që punon për të gjithë Mbretërinë e Bashkuar,” thekson Theresa May përmes rrjetit social Twitter.

Pas shpalljes së rezultateve, Kryeministri i ri Boris Johnson ka falënderuar rivalin e tij Jeremy Hunt duke theksuar se zoti Hunt është një fond i ideve të shkëlqyera dhe premtoi se do t’i vjedhë ato.

Boris Johnson ka falënderuar dhe Ish-Kryeministren Theresa May për shërbimin që i ka bërë vendit.

Ndonëse Boris Johnson ishte favorit në këtë garë, fitorja e tij ishte më e qartë me dorëheqjen e Ministres së Arsimit, Anne Milton, vetëm gjysmë ore para publikimit të rezultatit të zgjedhjeve.

“Unë besoj fuqishëm që Parlamenti duhet të vazhdojë të luajë një rol qendror në miratimin e një marrëveshjeje dhe që ne duhet të lëmë BE-në në mënyrë të përgjegjshme,” tha Milton me rastin e dorëheqjes.

Ndryshe, në zgjedhjet për liderin e ri të Partisë Konservatore kanë votuar 160.000 anëtarë.