Kryeministri i Rusisë, Dmitrij Medvedev në Beograd

Kryeministri i Rusisë, Dmitrij Medvedev ka mbërritur në një vizitë njëditore në Beograd me rastin e 75 vjetorit të çlirimit të Beogradit në luftën e dytë botërore.

Pas ceremonisë së mirëseardhjes në Aeroportin “Nikolla Teslla”, Medvedev dhe delegacioni rus u nisën drejt Aeroportit ushtarak në Bajtanicë, ku për nder të kryeministrit rus u zhvillua stërvitja ushtarake “Liria 2019”.  

Me këtë rast u demonstruan aftësitë ushatrake me pajisjet që erdhën si donacion i Rusisë.

Pas stërvitjes ushtarake, Medvedev do të zhvilloj një bisedë për 45 minuta në Pallatin “Serbia”, me Presidentin e Serbisë, Aleksandar Vuçiç dhe Kryeministren Ana Brnabiç dhe më pas do ti drejtohen mediave në një konferencë të përbashkët për shtyp.

Më pas në një seancë të veçantë, Dmitrij Medvedev do ti drejtohet deputetëve serb në Parlamentin e Serbisë.    Kryeministri i Rusisë, Dmitrij Medvedev, pasi të vendos kurora me lule në përmendoren “Vdekje fashizmit, liri popullit” në Kalemegdan, do të marrë pjesë edhe në akademinë solemne me rastin e 75 vjeotirt të çlirimit të Beogradit ndërsa vizita do të përfundoj me një darkë solemne të cilën, për kryeministrin rus dhe delegacionin e tij e organizon Presidenti i Serbisë, Aleksandar Vuçiç.