Kryeministri kërcënon, Lulzim Basha: Asgjë e keqe nuk do të ndodhë: Edi Rama do të ikë!

Pas kërcënimeve të përsëritura të Edi Ramës në të gjitha takimet që po zhvillon nëpër Shqipëri duke ngjallur panik me djegie të vendit si dhe me burgosje të të gjithë opozitës, reagon Kryetari i Partisë Demokratike, Lulzim Basha duke i dhënë një lajm të keq Kryeministrit:

Shqipëria nuk do digjet dhe opozita nuk trembet!

Këto muaj e fundit Rama ka ndaluar dhe arrestuar qindra qytetarë dhe opozitarë, thekson Lulzim Basha përmes një reagimi në rrjetin social Facebook duke sjell në vëmendje edhe së fundi arrestimet e drejtuesve të PD-së së Elbasanit dhe Librazhdit, dhe të gjithë e kanë parë se askush nuk trembet nga kërcënimet dhe veprimet e tij perverse.

“Shqiptarët po ja provojnë atij përditë kudo nëpër Shqipëri, të cilën ai tani e viziton nën mbrojtjen e qindra forcave policore, sikur të jetë duke ecur përmes një territori armik dhe jo vendit të tij. Fundi i tij dhe i veglave të tij qorre në kuvend, qeveri, polici, prokurori është i pashmangshëm!,” thekson Kryetari i Partisë Demokratike, duke konstatuar se ai e di këtë, prandaj është shpërfytyruar dhe po kërcënon se do të shpërthejë bombën e do t’i hedhë të gjithë në erë.

Por, në këtë paligjshmëri që po instalon Edi Rama me kërcnime dhe panik, Kryetari i Partisë Demokratike, Lulzim Basha, duke iu drejtuar të gjithë bashkëqytetarëve i garanton se duhet të jenë të sigurtë:

“Asgjë e keqe nuk do të ndodhë: Edi Rama do të ikë dhe të vetmit që do të marrë me vete do të jenë mercenarët e tij të korruptuar dhe të lidhur me krimin.” 

Ja statusi i plotë:

Edi Rama ka javë që bredh nëpër Shqipëri duke ngjallur panik e duke kërcënuar sa me djegie të vendit dhe sa me burgosje të të gjithë opozitës. Kam një lajm të keq për të: Shqipëria nuk do digjet dhe opozita nuk trembet.

Këto muaj e fundit Rama ka ndaluar dhe arrestuar qindra qytetarë dhe opozitarë, së fundi drejtuesit e PD së Elbasanit dhe Librazhdit, dhe të gjithë e kanë parë se askush nuk trembet nga kërcënimet dhe veprimet e tij perverse.

Këtë shqiptarët po ja provojnë atij përditë kudo nëpër Shqipëri, të cilën ai tani e viziton nën mbrojtjen e qindra forcave policore, sikur të jetë duke ecur përmes një territori armik dhe jo vendit të tij.

Fundi i tij dhe i veglave të tij qorre në kuvend, qeveri, polici, prokurori është i pashmangshëm!

Ai e di këtë, prandaj është shpërfytyruar dhe po bën atë që bëjnë kriminelët kur rrethohen: po kërcënon se do të shpërthejë bombën e do t’i hedhë të gjithë në erë.

Dua t’u them të gjithë bashkëqytetarëve të mi se duhet të jenë të sigurtë, asgjë e keqe nuk do të ndodhë: Edi Rama do të ikë dhe të vetmit që do të marrë me vete do të jenë mercenarët e tij të korruptuar dhe të lidhur me krimin. #ShqipëriaSiEuropa #21qershor