Kryeministri Luksemburgut në Tiranë: Kosovë-Serbi, zgjidhje pa e prekur sovranitetin!

Pas takimit me kryeministrin Edi Rama, kryeministri i Luksemburgut, Xavier Bettel tha se Shqipëria ka ecur përpara në rrugën e saj dhe se sheh mundësi bashkëpunimi ndërsa u shpreh se pret të arrihet një zgjidhje mes Kosovës dhe Serbisë pa e vënë në pikëpyetje sovranitetin.

“Të jetosh në situatë është diçka tjetër. Rruga që keni bërë gjatë kësaj kohë është e jashtëzakonshme, por ka akoma potencial. Ne kemi firma nga Luksemburgu që po investojnë në rajon. Unë shpresoj që ju të vini sa më shpejt në Luksemburg dhe të shohim një mundësi se si t’i bindim për të krijuar të tjera hapësira. Ka itenerare kulturore ku mund të punojmë bashkë.

Mund të ketë shkëmbime mes universiteteve, gjithashtu është edhe turizmi. E tha dhe kryeministri janë hapur negociata për në BE dhe është me rëndësi që vendet nuk mund të mbahen peng për arsye të politikave kombëtare. Të mos harrojmë që në ’57 kur ishte traktati i Romës, Franca dhe Gjermania ishin armiq, dhe që ka ajo kohë arritëm të kemi paqe. Pra kjo është BE , në atë kohë përgjigja ishte arma sot janë shkëmbimet respekti. Edi është dikush që i thotë gjërat dhe ne nuk mund thjeshtë të ngushëllojmë kur na kërkon diçka.

Nuk mund të trajtojmë një vend në këtë mënyrë kur detyrat janë bërë duhet ta njohësh dhe të thuash po do të bëjmë përpara. Nuk duhet të jetë thjeshtë një sallë pritje por në këtë parafamilje duhet të gjejmë format se si të jemi pjesë, të kemi diçka ku të ecim para në interesa të përbashkëta. Meqë ju thamë që salla e parë e pritjes u krye tani jeni në sallën e dytë,” tha Kryeministri i Luksemburgut, Xavier Bettel, teksa i pyetur se lufta ka mbërritur në kufijtë e BE, dhe a mendon se duhet të përshpejtohen rrugëtimet e vendeve kandidate si Shqipëria apo vendet e tjera të Ballkanit Perëndimor, ai ishte i prerë se nuk mund të kapërcehen kriteret e Kopenhgaenit për shkak të luftës.

“Kriteret do të qëndrojnë, ajo që mund të shohim të bëjmë, si mund të punojmë më ngushtësisht. Por nuk mund të themi që për shkak të luftës të kapërcejmë kriteret e Kopenhgaenit. Gjithashtu nuk do doja të thuhej se Shqipëria e ka marrë statusin për shkak të luftës në Ukrainë, justifikim për një anëtarësim biss, apo sorrogato. Kemi kritere, kriteret janë plotësuar. Gjithë puna e bërë nga qeveria Rama, u pranuan sepse bënë atë që duhej bërë,” tha kryeministri Bettel ndërkohë Kryeministri Rama tha se procesi i negociatave është një proces që duhet ta bëjmë për veten tonë, jo për Luksemburgun, Francën apo Gjermaninë. Është një proces që do të na ndihmojë jashtëzakonisht dhe historikisht, që përmes atyre kritereve të ndërtojmë shtetin europian këtu në vendin tonë.

E pashmangshme ishte dhe situata në Kosovë dhe tensionet me Serbinë për të cilën Kryeministri i Luksemburgut, Xavier Bettel, tha se pret zgjidhje ndërsa garantoi shqiptarët se sovraniteti nuk duhet të vihet në pikëpyetje:

“Ballkani ka qenë një fuçi baruti për kontinentin tonë dhe duhet ta shmangim. E di që Kosova dhe Serbia po diskutojnë sot, por duhet të bëjnë përpara nuk duhet t’i lejojmë vetes tensione shtesë. Sovraniteti nuk duhet të vihet në pikëpyetje. Duhet të gjejmë zgjidhje”, tha ai.