“Kryeministri” në Kushtetuese/ Mbledhja e Qeverisë, PDK dhe Nisma kundër Haradinajt
Ish-Kryeministri i Kosovës, Ramush Haradinaj ka nisur mbledhjen bashkë me kabinetin qeveritar duke theksuar vlerësimin e zyrës ligjore të Qeverisë, se nuk kanë të drejtë të krijojnë ndonjë vakum qeverisës, por PDK dhe Nisma ishin kundë dhe ai vendosi t’i drejtohet Gjykatës Kushtetuese.
“Ndasimi i temave që janë urgjente të Qeverisë, është një proces i vështirë. Ne e kemi një vlerësim të Zyrës Ligjore të Qeverisë. Mirëpo, më gjasë nuk na mjafton. E vetmja gjë që me mbetet është t’i drejtohem Gjykatës Kushtetuese. Po e kërkoj mendimin tuaj. Pa marrë një përgjigje prej kushtetusese, nuk kam të drejtë të marrë veprime tjera. Unë jam kundër kësaj rrugë, mund të krijojmë vakum qeverisës. Me sa e di nuk lejohet kjo. Por, meqë PDK dhe Nisma po e kërkon, atëhërë jam i detyruar t’i drejtohem. Nëse keni mendime tjera si me dalë nga kjo gjendje, urdhëroni,” tha Haradinaj.
Por Ish-Zv/kryeministri Enver Hoxhaj dhe Ish-ministri i Tregtisë, Endrit Shala, janë shprehur kundër vazhdimit të mbledhjes ndërsa Ish-ministri i Shëndetësisë, Uran Ismaili tha se para se t’i drejtohen kushtetuesese, të dinë se çfarë efektesh krijohen.
“Para se me ju drejtu Kushtetueses, duhet me ditë se çfarë efekti prodhon. Sepse nuk duhet të mbeten institucionet pa shërbim. E tash me dërgua në Kushtetuese, cilat janë bllokadat, ekstra të reja që na dalin. Pra, cilat janë efektetet, a i bllokon ministrisë, mbledhjet e Qeverisë apo çka.”
Ndryshe, i gjithë debati mbi rolin e Ramush Haradinajt pas dorëheqjes së parevokueshme u nxit pas deklaratës së Ish-Kryetarit të Gjykatës Kushtetuese, Enver Hasani, se Haradinaj është vetëm Ish-Kryeministër, asgjë më shumë.
“Në momentin që ke dhanë dorëheqje të parevokueshme, atëherë je ish-kryeministër. Ashtu e thotë ligji. Haradinaj është vetëm ish-kryeministër, asgjë më shumë. S’mund të marr asnjë vendim më. Mund të qëndrojë në zyre, nëse ato janë të mira, me u flladit, por vendime s’mund të marrin,” tha Hasani.
Hasani ka tërhequr paralele mes dorëheqjes së Haradinajt nga posti i kryeministrit dhe dorëheqjes së Qasim Qeskës nga posti i kreut të Komunës së Rahovecit. Haradinaj duhet të shkojë në shtëpi sikur Qeska, ka thënë Hasani.
Gjykata Kushtetuese, nëpërmjet një aktvendimi, pas një kërkese për sqarim që kishte paraqitur presidenti i atëhershëm Fatmir Sejdiu pas dorëheqjes së Qeskës, kishte përcaktuar se akti i dorëheqjes konsiderohet përfundim i mandatit.
