“Kryeministri që duam”: Po vritet shpresa e njerëzve, fajet e i ka opozita!
Punë e madhe se po bie dhe po vritet shpresa e njerëzve të zakonshëm nga sjellje dhe akte të papranueshme. Kështu mendon Edi Rama se i bindi pukjanët me arsyetimin që opozita i ka fajet pse shqiptarët e braktisin atdheun, edhe pse në Shqipërinë e “kryeministrit që duam” nuk kanë as ajr:
“Ça po bëjmë ne ju e shihni, por ça bënë ata të gjithë e dinë dhe të gjithë e mbajnë mend. Patjetër që ne kemi të metat tona, gabimet tona, nuk diskutohet që në punët tona ka plot për të ndrequr por ama unë besoj se kush ka sy për të parë dhe mendon me kokën e vet nuk e diskuton që këtu nuk ka krahasim.
Më e keqja është se edhe në opozitë ata janë përsëri një pengesë e madhe për rrugën tonë të zhvillimit dhe përparimit. Pa asnjë vizion apo program zhvillimi alternativ. Pa asnjë lidership por thjesht bam e bum. Ku rafsha mos u vrafsha dhe punë e madhe se po bie dhe po vritet shpresa e njerëzve të zakonshëm nga sjellje dhe akte të papranueshme. Sidoqoftë ajo çka na ka sjellë këtu është inisiativa për të pasur një seri takimesh në të gjithë Shqipërinë takime publike për bashkinë që duam,” thekson Edi Rama duke harruar se është mandati i dytë dhe flet edhe këto borçkulla në Pukë:
“Këta që flasin për blerje votash janë zgjidhja dhe jo problemi, ja kujt shqiptari mund ti besohet kjo? Kujt shqiptari i besohet se këta që flasin për korrupsion janë zgjidhja dhe jo problemi? Arsyeja pse ata nuk fitojnë dot zgjedhjet është se janë problemi dhe jo zgjidhja prandaj nuk fitojnë dot zgjedhjet. Të gjitha këto janë mënyra për ti ikur ballafaqimit me zgjedhësit. Më e bukura është që flasin për zgjedhjet e shkuara po kush ka harruar që në zgjedhjet e shkuara ata ishin në qeveri atya kishin ministrin e brendshëm, kishin të gjitha institucionet që kërkuan.
Atëhere si u blenë votat nga ne kur në institucione ishin ata.”
Dhe, gju më gju me pukjanët jep edhe mesazhin tronditës jo vetëm për Shqipërinë. Edi Rama është i bindur se ka njeri që e voton sot: “Detyra jonë është të vazhdojmë kontratën me shqiptarët. Kjo është e gjitha dhe të tjerat janë të gjitha pastaj gjëra të thjeshta për tu kuptuar sepse ua kam thënë se për sa kohë që mendoni se shqiptarë mund ti bëni për budallenj, shqiptarët do t’ju lënë aty ku jeni dhe jo vetëm kaq por do zvogëloheni gjithnjë e më shumë. Në këto zgjedhje apo të 2021 populli shqiptarë do ti lë aty ku janë ose edhe më pak,” tha kryeministri Edi Rama të paktën duke i dhënë fund akuzave mbi “kartelën e tij mjekësore të sajuar dhe publikuar nga Saliu”. Nuk i duhet më njeri të lexoj kartela, e ka në TV “live”.
