Kryengritja e Postribës, Flamur Noka: Vizioni i kryengritësve na duhet sot më shumë se kurrë!

Rezistenca e vizioni i kryengritësve të Postribes na duhet sot më shumë se kurrë, tha sot Sekretari i Përgjithshëm i Partisë Demokratike, Flamur Noka, në ceremoninë e 78-vjetorit të Kryengritjes së parë antikomuniste në Shqipëri dhe Evropë, i bindur se askush nuk është gati të vazhdoje edhe një ditë më shumë ky eksperiment që solli varfëri, krim, droge, e largim e shkretim të vendit.

“Kryengritja e Postribës është një nga lëvizjet që i ka dhënë më shumë nder e krenari pasi  burra si Jup Kazazi e Osman Haxhia, kuptuan se çfarë reje e zeze po i vinte Shqipërisë. Kuptuan se po dorëzohej liria, dinjiteti, tradita, feja, jeta, çdo gjë, në duar gjakatarësh.

Re e zeze është dhe kjo e Edi Ramës. Një njeri që ka ngritur narko-shtet e sundon me krimin, kudo, dhe në Shkodër. Ndaj Postriba sot kushtrim,” tha Flamur Noka duke bërë thirrje për rezistencë e përballje kudo, në çdo fshat e qytet, për ta kthyer vendin ne shinat e demokracisë e shtetit ligjor.

“Unë jam i bindur se kjo forcë gjendet këtu, gjendet në Shkodër, e në çdo cep të Shqipërisë. Askush nuk është gati të heqë dorë nga nderi e dinjiteti, nga liria dhe ato vlera që i fituam pas vitit 90, për interesat e pushtetin e Edi Ramës, qe ai dhe të korruptuarit e kriminelet që e rrethojnë të pasurohen edhe më shumë.

Dhe nuk do ta lejojmë. Me çdo mjet, me çdo mundësi, me çdo sakrificë që duhet. Vetëm kështu i nderojmë martirët që deshën Shqipëri të lirë dhe europiane. Vetëm kështu nderojmë kryengritësit e lavdishëm të Postribës,” tha Sekretari i Përgjithshëm i Partisë Demokratike, Flamur Noka, duke përfunduar:

“Rrugë tjetër nuk ka!”

Mëngjesin e sotëm sërish u përsërit arroganca e Kryetarit të Bashkisë Shkodër, Benet Beci, i cili u lut nga familjarët e martirëve të Kryengritjes së Postribës që të largohet nga memoriali në këtë ditë të shenjtë për ta, por, Beci i shpërfilli dhe ishte sërish Bardhyl Shaba i cili hoqi kurorat me lule të vendosura nga Benet Beci. Pas këtij veprimi, policia me urdhër të kryebashkiakut Benet Beci arrestoi Bardhyl Shabën.

Ndryshe, Kryengritja e Postribës e shtatorit të vitit 1946 nuk i’a arriti qëllimit dhe u shtyp me dhunë nga diktarura e sapovendosur në Shqipëri. Megjithatë, ajo mbetet një simbol i qëndresës nacionaliste kundër komunizmit. Ndaj, në 62 vjetorin e përkujtimit të kësaj kryengritje, Postriba u nderua nga Presidenti i Republikës me urdhërin “Nderi i Kombit”.

Fjala e plotë:

Kryengritja e Postribës është një nga lëvizjet që i ka dhënë më shumë nder e krenari pasi  burra si Jup Kazazi e Osman Haxhia, kuptuan se çfarë reje e zeze po i vinte Shqipërisë.

Kuptuan se po dorëzohej liria, dinjiteti, tradita, feja, jeta, çdo gjë, në duar gjakatarësh.

Ata burra patën kurajën të mos pajtoheshin, patën kurajën ta shpërfillin, t’i qëndronin përballë murtajës, për të ruajtur lirinë e dinjitetin.

Rezistenca e vizioni i kryengritësve të Postribes na duhet sot më shumë se kurrë.

Re e zeze është dhe kjo e Edi Ramës. Një njeri që ka ngritur narko-shtet e sundon me krimin, kudo, dhe në Shkodër.

Ai sjell si vlerë e model korrupsionin e banditët.

Ai ka njësoj propagandën si regjimi komunist, ku mohon realitetin e varfërisë e shpopullimit, e manipulon sikur këtu po ndodh mrekullia.

Shpall armiq e sulmon e damkos këdo që nuk mendon si ai.

Kontrollon drejtësinë e nxit procese persekutimi ndaj kundërshtarit.

Njëlloj si atëherë, ai nuk lejon votën. E blen votën, dhe shantazhon qytetarët me vendet e punës, me ndihmën ekonomike, dhe me trafikantët e vrasësit që ka në shtabet elektorale.

Ndaj Postriba sot kushtrim.

Rezistencë e përballje kudo, në çdo fshat e qytet, për ta kthyer vendin ne shinat e demokracisë e shtetit ligjor.

Duhet sakrificë.

Unë jam i bindur se kjo forcë gjendet këtu, gjendet në Shkodër, e në çdo cep të Shqipërisë. Askush nuk është gati të heqë dorë nga nderi e dinjiteti, nga liria dhe ato vlera që i fituam pas vitit 90, për interesat e pushtetin e Edi Ramës, qe ai dhe të korruptuarit e kriminelet që e rrethojnë të pasurohen edhe më shumë.

Askush nuk është gati të vazhdoje edhe një ditë më shumë ky eksperiment që solli varfëri, krim, droge, e largim e shkretim të vendit.

Ndryshimi është në mendjen dhe në zemrën e shumicës së shqiptarëve. Duhet vetëm kurajoja e vendosmëria jonë për të mos e lejuar Edi Ramën që ta bllokojë me dhunë këtë aspirate.

Dhe nuk do ta lejojmë. Me çdo mjet, me çdo mundësi, me çdo sakrificë që duhet.

Vetëm kështu i nderojmë martirët që deshën Shqipëri të lirë dhe europiane.

Vetëm kështu nderojmë kryengritësit e lavdishëm të Postribës.

Rrugë tjetër nuk ka.

Ne do t’ia dalim!