Kryepeshkopi Irinej e bekoi, por Vuçiç nuk shkon në Mal të Zi

Presidenti i Serbisë, Aleksandar Vuçiç, pas takimit me kreun e Kishës Orotodokse Serbe, Kryepeshkopin Irinej, tha se e kishte marrë bekimin e tij për këtë vizitë por sot kanë vendosur që ai të mos shkoj natën e Krishtlindjeve Ortodokse në Mal të Zi.

“Kam marrë këtë vendim sepse jam i sigurt se do të nxitej konflikti, e unë nuk dua konflikte,” tha Vuçiç duke shtuar se të gjitha institucionet dhe shoqatat serbe do ti mbështes dhjetë herë më shumë se sa që i ka mbështetur deri më tani, që e përkthyer në realitetin e krijuar nga serbët në Mal të Zi, dhjetë herë më shumë tensione dhe po aq konflikte.  

Pasi i tregoi dhëmbët Podgoricës zyrtare, Aleksandar Vuçiç tha se e kishte planifikuar vizitën në Mal të Zi dhe kishte bekimin e Kryepeshkopit Irinej madje ai i kishte shprehur kënaqësinë që Vuçiç po kujdeset për popullin serb.

“Askush nuk mund të ma ndaloi që të shkoj në ndonjë kishë. Por më vonë e kuptova se regjimi malazez nuk e ka me qejf,” tha Vuçiç duke akuzuar Podgoricën zyrtare.

“Filluan të flasin në media se si kjo vizitë do të shkaktoj gjakderdhje, trazira, kaos, dhe e pyeta veten se a mund ta shkaktoj vizita ime në një kishë, këtë gjë,” tha Vuçiç në një monolog pas takimit me Kryepeshkopin Irinej duke e bërë më në fund të ditur se e kishte menduar vizitën në qytetin e Plevlës ndërsa arsyetoi dhe anulimin e vizitës.

“Kam marrë këtë vendim sepse jam i sigurt se do të nxitej konflikti, e unë nuk dua konflikte, jo pse kam frikë, por që e di se disa do ta shfrytëzonin rastin për ti bërë keq serbëve në Mal të Zi.”

Ndërkohë për të dëshmuar se nuk është frikacak kishte dhe një mesazh prej trimi për serbët e Malit të Zi, të cilët i futi në këtë luftë me bashkëqytetarët malazezë pa kurrfar arsye.

“Ne jemi një popull i bashkuar dhe nuk do ti lejojmë askujt që të na shkatërroj si të kaluarën ashtu dhe të ardhmen, dhe as që të na shkatërroj vatrat tona as me qetësi dhe as me ndonjë mënyrë tjetër. Do të luftojmë me të vërtetën, jo me armë, jo me gënjeshtra me të cilët ata shërbehen. Do të luftojmë vetëm me të vërtetën dhe dëshirojmë bisedime me ta, sepse ata janë vëllezërit tanë, por ata duhet të respektojnë edhe vëllezërit e tyre,” tha Vuçiç duke mohuar kombin malazez dhe duke i bërë të qartë Podgoricës zyrtare se do të mbështesë serbët  në Mal të  Zi.

“Të gjitha institucionet dhe shoqatat serbe do ti mbështesim dhjetë herë më shumë se sa deri më  tani. Nuk mund të na bëni asgjë, këto janë standarde botërore. Këtë do ta bëjmë publikisht, do ti bëjmë të gjitha publikisht duke i parashikuar edhe me buxhetin e shtetit serb,” tha Aleksandar Vuçiç duke rikthyer fjalimet e zjarrta të kriminelit Sllobodan Millosheviç, që vetëm Kryeministri Edi Rama nuk po i sheh.

Ndryshe, tensionet Mali i Zi-Serbi u rritën me miratimin e Ligjit për liritë fetare ku serbët e Malit të Zi të nxitur nga pushteti nga Beogradi zyrtar, organizuar protesta që u përshkallëzuan në trazira duke kaluar kufijtë deri në kryeqytetin serb ku iu vu flaka Ambasadës së Malit të Zi.