“Kryeprokurori i Arta Markut”, Edi Rama: Kokaina në Durrës e lidhur me kupolën e PD

Ishte krijuar ideja se Kryeprokurorja nuk flet për detajet që po zhvillohen rreth hetimeve për çështjet e mëdha si ajo e 613 kg kokainë dhe audio-përgjimi, mbrëmjen e sotme foli për të gjitha çështjet, madje edhe në detaje; Jo Arta Marku por i pari i saj në Kryeprokurori, Edi Rama .

Kryeministri Edi Rama tha se problemi i kokainës është i opozitës dhe besoj se këtë do e zbulojë edhe prokuroria. Rama tha se në bazë të informacioneve që ka krijohen dyshime të arsyeshme mes personit që akuzohet për 613 kg kokainë të kapur në Durrës dhe njerëzve në nivelet drejtuese të opozitës.

“Proçesi ka hyrë në një fazë të re me arrestimin e personit që është identifikuar si koka e trafikut dhe nga ana tjetër të dhënat që unë disponoj në rrugë operative është e kuptueshme pse është gjithë ky acarim. Në rastin konkret të kokainës lidhjet janë shumë lart dhe kanë lidhje me pushtetin e dikurshëm që është opozita e sotme”, tha Rama.

Duke folur me gjuhën e vitit 2011 kur ishte në opozitë, Kryeministri theksoi se në rastin e kokainës ka dyshime të arsyeshme që lidhjet shkojnë shumë lart në pushtetin e kaluar, sot në opozitë, që është Partia Demokratike