“Kryeqendra e krimit”/ Zotimi, Basha: Do ta kthejmë në kryeqendrën e biznesit në Ballkan!

Kryetari i Partisë Demokratike, Lulzim Basha në takim me përfaqësuesit e bizneseve tek Autostrada Tiranë- Durrës duke konstatuar se për një kohë shumë të gjatë, Shqipëria po tregohet me gisht si kryeqendra e krimit në Ballkan u zotua se do ta kthejë në kryeqendrën e biznesit në Ballkan ndërsa shtoi se premtimi i parë kur PD të vijë në pushtet do të jetë lufta ndaj bandave kriminale që tashmë është i drejtuar edhe tek biznesi.

“Sektori i biznesit në Shqipëri është në luftë për mbijetesë, rezultat i politikave të dështuara të kësaj qeverie, të cilat kanë goditur si biznesin e vogël, ashtu edhe bizneisn e madh. Po mbyteni nga efektet e rritje së takave, të rritjes së kostos dhe korrupsionit të kudogjendur, që kanë shkaktuar klimën më të keqe të biznesit në rajon dhe në Europë, sipas matjeve më të fundit të bankës Botërore, por, mbi të gjitha, sipas matjeve më të sakta që janë matjet e biznesit si punëdhënës dhe matjet e punëmarrësve, qytetarëve, që goditen direct nga pamundësia e biznesit për të hapur vende të reja pune apo për të hapur kushte të reja punësimi.”

Në kontrast me këtë qeveri, për mua, një biznes i çliruar, i rimëkëmbur dhe i fuqizuar është në zemër të vizionit tonë për Shqipërinë, tha Lulzim Basha ndërsa premtoi moratorium 6 mujor me shkrijen e të gjitha inspektoriateve dhe më pas rishikimin mbi baza europiane që të mos jenë terror i biznesit.

“Ajo që ju duhet është një qeveri që ju kupton, që ju mbështet, një qeveri që ju jep pak ndihmë, kur keni nevojë; një qeveri që është atje jo për t’jua bërë jetën më të vështirë, por për t’jua bërë më të lehtë,” tha Kryetari i Partisë Demokratike duke siguruar fundin e ekonomisë së patronazhit, që e kanë ndarë ekonominë në dhjetë pjesë dhe kontrollohen nga 10 padronë

“Për këtë arsye ne jemi të përkushtuar për uljen e taksave, për luftën kundër korrupsionit dhe krijimin e kushteve të barabarta të barazisë përpara ligjit, konkurencës së ndershme, aksesit të barabartë kurdo, veçanërisht në treg, me tenderat, prokurimet publike, në faktorët bazë të prodhimit dhe shërbimeve,” tha lideri i opozitës duke folur për ndryshime radikale që do të shoqërojnë ardhjen e tij në pushtet, nxjerrjen e biznesit të vogël nga sistemi i TVSH, e 15 përqindëshi mbi pronën, siç e vlerësoi ai taksa e akullit, ngrirjes së ekonomisë që nuk e lejon të ecë para, do jetë 3 për qind.

“Kjo është në zemër të platformës sonë. Me anë të kesajduam t’ju shohim të keni sukses, të fuqizoheni, të punësoni, të rriteni, sepse një biznes I fuqishëm është prosperitet për vendin. Për një kohë shumë të gjatë, Shqipëria po tregohet me gisht si kryeqendra e krimit në Ballkan. Ju ftoj që të bëjmë gjithçka së bashku që ta kthejmë në kryeqendrën e biznesit në Ballkan,” tha Basha duke dhënë dhe premtimin e parë për biznesin pasi Partia Demokratike të vijë në pushtet:

“Krimi, tashmë është i drejtuar edhe tek biznesi. Duhet dore e hekurt kundër bandave. Vendi është ndarë si plaçkë me banditët. Premtimi im i parë është t’i shpallim luftë bandave!”

Klima e biznesit, tha Kryetari i Partisë Demokratike, përmirësohet në momentin kur qeveria nuk i bëhet barrë biznesit.

“Çështja është që të kemi një kryeministër të lidhur me krimin apo një kryeministër që lufton krimin. Qeverisja e PD do të luftojë deri në eliminim krimin. Në qeverisjen tonë nuk do të ketë biznese që shihen si ca të njerkës dhe ca të nënës. Të gjithë do të trajtohen në bazë të meritë. Ne do të ndërtojmë një qeveri të vogël jo qeveri abuzive dhe do të ndërhyjmë në eliminimin e trarëve të fshehur të korrupsionit në institucione,” tha Kryetari i Partisë Demokratike, Lulzim Basha, në takim me përfaqësuesit e bizneseve tek Autostrada Tiranë- Durrës, duke premtuar se do të diskutojë me ata në detaje të gjitha pikat e projektit të PD për ekonominë, një program që nuk vjen me premtime të mëdha por me zgjidhje për biznesin, ndërsa përfundoi:

“Zotohem për një klimë të mirë biznesi!”