Kryeqytetet më të mira europiane për një arratisje në fundjavë, mes tyre Tirana
Londra, Praga dhe Sofja janë kryeqytetet kryesore europiane për udhëtimet më të mira në fundjavë për këtë vit, sipas një raporti të ri. Kryeqyteti britanik ka gjithashtu jetën e natës më të vlerësuar.
Shkupi, Tirana dhe Sofja, të cilat të gjitha përfshihen në dhjetë kryeqytetet më të mira në Europë për udhëtimet në fundjavë, kanë gjithashtu akomodimin më të përballueshëm nga të gjithë.
Ky studim i ri nga Slot.Day, analizoi cilësinë e jetës së natës dhe koston e akomodimit në të gjitha kryeqytetet europiane.
Studiuesit u përqendruan në numrin e objekteve të jetës së natës me vlerësim të lartë në çdo kryeqytet të listuar në TripAdvisor, veçanërisht në ato që morën katër yje e lart nga pesë. Për të vlerësuar koston e akomodimit, studimi merr në konsideratë dy persona që ndajnë një dhomë.
Londra është destinacioni më i mirë i Europës për arratisjet në fundjavë mes të gjitha kryeqyteteve në kontinent. Kryeqyteti britanik ka 854 bare, klube dhe pub-e me vlerësime të larta për të zgjedhur gjatë një nate normale.
Vlen të theksohet se Londra është kryeqyteti i pestë më i shtrenjtë europian për akomodim, i vlerësuar mesatarisht me 116.9 € për person për një natë. Megjithatë, gama e pakrahasueshme e gjërave për të bërë në një fundjavë tejkalon kostot e larta të hotelit.
E famshme për shumëllojshmërinë e birrës së vlerësuar me çmime, Praga është kryeqyteti i dytë më i mirë në Europë. Me gjysmën e kostos për hotelet në krahasim me Londrën, kryeqyteti çek krenohet me 418 vende të jetës së natës që kanë marrë shumë yje nga vizitorët e tij.
Një destinacion kryesor gjatë verës, Bullgaria ka gjithashtu kryeqytetin e saj si një atraksion të madh turistik. Sofja u ofron vizitorëve të saj një zgjedhje nga 112 bare dhe klube të vlerësuara me katër yje e lart, ndërsa hotelet kushtojnë 41,9 euro për person në një natë.
Në kompletimin e top dhjetë listës për destinacionet e fundjavës janë Shkupi (Maqedonia e Veriut), Tirana (Shqipëri), Bukureshti (Rumani), Beogradi (Serbi), Varshava (Poloni), Berlini (Gjermani) dhe Sarajeva (Bosnjë dhe Hercegovinë). Të gjithë kanë një balancë të mirë të jetës së natës dhe akomodimit.
Sa u përket kryeqyteteve më të lira për të qëndruar gjatë një fundjave të zgjatur këtë vit, Shkupi (Maqedonia e Veriut) kryeson listën me vetëm 38,1 € për person për shpenzimet e hotelit, mesatarisht. E ndjekur nga Tirana dhe Sofja me akomodimin që kushton mesatarisht 40.6 dhe 41.9 euro për person respektivisht.
Studimi renditi Bernën (Zvicër), Rejkjavikun (Islandë) dhe Valettën (Maltë) ndër kryeqytetet europiane më pak të preferuara për pushime të shkurtra. Bern është i shtrenjtë për të qëndruar në të (139,8 € për person) dhe ka vetëm shtatë vende të vlerësuara me të paktën katër yje, duke e bërë atë kryeqytetin e fundit në listë për t’u konsideruar për një arratisje në fundjavë në Europë.
Megjithëse ofron një gamë të arsyeshme baresh dhe klubesh shumë të vlerësuara, duke numëruar 41, Reykjavik mund të jetë mjaft i kushtueshëm për hotelet, mesatarisht në 122,1 euro për një udhëtim fundjave. Kryeqyteti piktoresk i Maltës, Valletta, ka vetëm shtatë ambiente të jetës së natës me 4-5 yje dhe një kosto të madhe prej 99,8 euro për një qëndrim një natë në hotel, për person, duke e bërë atë më pak se ideale për një arratisje tipike në fundjavë nga qyteti.
“Është befasuese të gjesh vende si Shkupi, Tirana dhe Sarajeva që ofrojnë një balancë të mirë të jetës së natës me cilësi të lartë dhe akomodim të përballueshëm”, komentoi autori i studimit, gazetari Michael Slot./Travel + Leisure/Përgatiti: Monitor/
