Kryesia e PD: Zgjedhjet për Kryetarin e ri të Partisë Demokratike më 23 maj!

Në kuadër të një riorganizimi të brendshëm zgjedhor që do të zhvillohet në Partia Demokratike, sot Kryesia e PD-së ka vendosur që zgjedhjet për Kryetarin e ri të PD-së do të mbahen më 23 maj, ndërsa më 6 qershor, do të mblidhet Kuvendi Kombëtar.

Kryesia përcaktoi edhe afatet, ku është parashikuar që deri më datë 30 prill të jetë përmbyllur i gjithë procesi i zgjedhjes së Kryetarëve të Degëve në të gjithë vendin, proces i cili praktikisht filloi dje. .

Ky riorganizim pritet të përmbyllet më 6 qershor, kur dhe do të mbledhjet Kuvendi Kombëtar i PD-së.

Sot, Kryesia e PD, gjithashtu, caktoi dhe Grupin e Punës që do të merret me ndryshimet statutore. Grupi i përbërë nga 10 anëtarë, do të drejtohet nga kreu i Grupit Parlamentar Gazment Bardhi, ndërsa anëtarët e tjerë do të jenë: Oerd Bylykbashi, Ivi Kaso, Enno Bozdo, Gent Strazimiri, Elda Hoti, Keltis Kruja, Adriana Kalaja, Marash Logu dhe Franc Nuri.

Ndryshe, ky është procesi i parë zgjedhor që Sali Berisha zhvillon nën logon e Partisë Demokratike pasi katër vite më parë, ky proces u zhvillua nën siglën e Komisionit të Rithemelimit derisa atë të PD, gjyqtarët e Edi Ramës i kishin dhuruar Lulzim Bashës.