Kryesia e PS/ Foli Spiropali, pra, nuk është vendosur asgjë!

Mbledhja e Kryesisë së Partisë Socialiste, përfundoi me një deklaratë të ministres së Marrëdhënieve me Parlamentin dhe zëdhënëses së Qeverisë, Elisa Spiropali, pra, nuk është vendosur asgjë.

Sa herë që Edi Rama heshtë pas mbledhjes së Kryesisë së PS dhe këtë heshtje e shoqëron në rrjetet sociale ndërsa nxjerrë Spiropalin, ai nuk ka asgjë për të thënë dhe situata është e nderë.

Dhe, kur Spiropali sulmon opozitën ndërkohë që ishin në pritje emrat e kandidatëve tpër zgjedhjet e 30 Qershorit, situata kaotike në këtë parti është shumë më e rëndë se sa që e paraqet Elisa Spiropali.

Gjithsesi, në përfundim të mbledhjes së Kryesisë së PS, Spiropali u shprehë:

“Sot mbajtëm mbledhjen e Kryesisë së Partisë Socialiste. PS nuk negocion për zgjedhjet. Zgjedhjet janë më 30 qershor dhe Partia Socialiste ka vendosur të marrë pjesë si subjekt politik. Ne diskutuam sot për kandidatët më të mirë që mund të kemi për secilën bashki të vendit. Deri më 13 maj do të dalin edhe koalicionet e plota dhe kandidatët për kryetarë të bashkive.

Nuk jemi këtu për të diskutuar e për të vendosur datën e zgjedhjeve, këto janë çështje kushtetuese, ne jemi një parti politike që i përgjigjet kësaj thirrje. Ne nuk do të marrim pjesë në luftë por në zgjedhje dhe shpresojmë që asnjë kryetar të partive politike nuk e ka lënë mendja që të pengojnë shqiptarët të votojnë. Çdo akt dhue është i papranueshëm dhe do të ndëshkohet.

Është një turp që PD ka zgjedhur t’i lërë në rrugë zgjedhësit e saj duke djegur mandatet dhe duke mos hyrë në zgjedhje. Turp për ato parti që kanë marrë këtë vendim. Do bëjmë përzgjedhjet më të mira për kandidatët do t’i zgjedhim sipas kontributit ët tyre.”

Pra, tashmë nuk bëhet fjalë nëse do të kandidaoj Sejdini apo Gjushi, tashmë shtrohet pyetja a do të kandidoj Partia Socialiste më 30 Qershor apo do t’ia lë “Bindjes Demokratike” të gjitha bashkitë!