Kryesia e PS, Rilindja nis fushatën, krijohet grupi strategjik për zgjedhjet lokale..
Në Pallatin e Kongreseve sot u zhvillua mbledhja e Kryesisë së Partisë Socialiste dhe grupit parlamentar e cila u drejtua nga kryetari Edi Rama, ku u diskutua për çështjet për të cilat të premten do të diskutohet në Asamblenë Kombëtare, zgjedhjet e ardhshme lokale dhe miratimi i grupi strategjik për këto zgjedhje.
Në përfundim të mbledhjes, kreu i grupit parlamentar të PS, Taulant Balla foli për çështjet që diskutoi kryesia:
“Në fillim të këtij sesioni parlamentar dhe politik, PS mblodhi kryesinë e cila diskutoi dhe pastaj miratoi çështjet për të cilat të premten do të thirret Asambleja Kombëtare, e cila do të jetë terësisht e fokusuar në një raport të llogaridhënies publike të qeverisë për punën që kemi bërë tani. Për secilën prej njësive administrative në gjithë territorin.
Është shumë e rëndësishme që krah përfundimit të procesit të llogaridhënies të fillojmë prej sot një fushatë kombëtare të anëtarësimeve të reja në PS me qëllim që të bëjmë një organizim më të mirë strukturor dhe elektoral në përgatitje të zgjedhjeve vendore. Përkrah kësaj do të jemi të fokusuar në një proces më të hollësishëm komunikimi dhe dëgjesash ku përfaqësuesit vendorë të PS në nivel kryetarë bashkish apo anëtarë këshillash bashkiakë do të rikthehesn sipas kësaj fushate në çdo cep, çdo komunitet dhe fshat për të mbajtur shënim,” tha Basha duke shtuar se është marrë edhe miratimi i Kryesisë për të formatuar Sekretariatin e PS dhe për ti dhënë më shumë efektivitet një ndarje më të mirë të detyrave të sekretarëve në funksion të organizimit më të mirë të partisë në përgatitje të zgjedhjeve vendore.
Grupi strategjik
Kryesia e Partisë Socialiste miratoi grupin strategjik për zgjedhjet vendore të 2019 të kryesuar nga Blerina Gjylameti, e cila do të jetë edhe sekretare për organizimin e elektoral dhe drejtuese politike e Tiranës.
Ndërkohë anëtarët e grupit strategjik për zgjedhjet do të jenë Damian Gjiknuri, Ditmir Bushati, Bledi Çuçi, Erion Veliaj, Gramoz Ruçi dhe Taulant Balla.
