Kryespiuni rus i zhgënjyer me Beogradin
Shefi i Shërbimit të Jashtëm të Inteligjencës së Rusisë, Sergej Narishkin, tha se është i zhgënjyer me Beogradin ndërsa vazhdon me përpjekjet që Maqedoninë e Veriut t’a kthej nga Rusia edhe pse ajo edhe pak ditë bëhet anëtare e NATO-s.
“Qeveria e Rusisë në mënyrë të ligjshme po e lut Beogradin që personelit të Qendrës Humanitare Ruso-Serbe në Nish t`i japë statusin diplomatik,” tha Sergej Narishkin i cili po qëndron në Beograd për të ashtuquajturën Ditën e Shërbimit Serb të Inteligjencës -BIA.
Duke dashur që ta nxisë Maqedoninë e Veriut për t’u kthyer nga Rusia, Narishkin foli edhe për vendimin e fundit nga Samiti i BE:
“Vendimi i BE-së për Maqedoninë e Veriut dhe Shqipërinë jo vetëm që është i pashembullt, ai është edhe cinik në raport me vendet e Ballkanit.”
Ndryshe, Rusia vazhdimisht ka punuar kundër anëtarësimit të Ballkanit në NATO, dhe së fundi Vladimir Putin ishte kundër arritjes së Marrëveshjes së Prespes dhe ndryshimit të emrit të këtij shteti, në mënyrë që të pengohet anëtarësimi i Maqedonisë së Veriut në NATO.
Ngjashëm veproi edhe në fund të vitit 2016 në Mal të Zi, kur dy pjesëtarë inteligjencës ruse kishin paguar çetnikë serbë nga Kosova që ta vrisnin Milo Gjukanoviçin, gjë e cila u parandalua dhe pikërisht Narishkin kishte ardhur personalisht në Beograd për t’i tërhequr zyrtarët rusë.
Serbia vazhdon të bashkëpunojë me Rusinë në fushën e Sigurisë, por Aleksandar Vuçiç ende nuk ka vendosur që personelit të QHRS në Nish t’i jap statusin e diplomatëve.
