Kryetari i Bashkisë Tiranë, Erion Veliaj, në SPAK

Erdhi si “vullnetar i Enverit”, i akuzuar apo si njeri që ka informacion për Inceneratorin e Tiranës, për të cilin vartësit e tij tashmë janë prapa hekurave, pas orës 9:00 të këtij mëngjesi ka shumë pak rëndësi sepse Prokuroria e Posaçme kundër Korrupsionit dhe Krimit të Organizuar të Republikës së Shqipërisë, ka kaluar ylberin dhe Kryetari i Bashkisë Tiranë, Erion Veliaj, ka kaluar pragun e SPAK-ut.

A do të konfirmohet SPAK si institucion i pavarur apo do ta vulos atë për të cilën akuzohet si “Nëndegë e Partisë Socialiste” mbetet për tu parë, pasi Erion Veliaj do të largohet nga kjo godinë që aktualisht ka imazhin për toke dhe vazhdon të mbetet pa asnjë zyrtar të lartë të arrestuar në detyrë.

E Erion Veliaj i cili edhe këtë vajtje në SPAK e shiti si vizitë vullnetare për transparencë të hetimit, edhe para Prokurorisë së Posaçme bëri fushatë dhe akuzoi opozitën e cila e priti me thirrjet “Hajdut, Hajdut”.

“Thuaja Fahriut me 100 mijë euro makinë” iu drejtua Erion Veliaj Koordinatorit rajona të Tiranës në PD, Klevis Balliu i cili po i drejtohej me fjalët: “O hajdut”!

Në fund, mbetet për konfirmuar nga SPAK nëse prokurori i posaçëm Dritan Prençi e ka thirrë si person që ka dijeni në lidhje me Inceneratorin e Tiranës, siç raportuan mediat, apo Erion Veliaj ka shkuar te kolegët e tij, siç tha, pasi e ka bërë Prokurorinë e Posaçme me shpi e katandi.