Kryetari i KLSH, mazhoranca voton kandidaturën ma pa lidhje të Presidentit. Rikthehet miqësia e vjetër Rama-Meta…

Shqipëria në rrezik! Kështu mund të përkufizohet miratimi nga mazhoranca e Edi Ramës, kandidatura e Arben Shehut, i propozuar nga Presidenti Ilir Meta, për postin e Kryetarit të Kontrollit të Lartë të Shtetit, KLSH.

Dhe, ndonëse Komisioni i Ekonomisë dhe Financave nuk ka pësuar ndryshime, po ky Komision nuk ka miratuar më parë tri kandidatura që ishin larg si nivelit intelektual ashtu dhe profesion të kandidaturës që sot i dhanë 15 vota, 2 ishin kundër dhe 1 abstenim. Dhe jo vetëm kaq!

Ky votim nuk është thjeshtë votim normal i një kandidature për Kryetar të KLSH por një rikthim i miqësisë së vjetër që me shumë sforcim po mundohet të shitet si një konflikt; Konfikt i cili ka ekzistuar në sytë e botës por jo në xhepat e tyre, për të cilët punojnë bashkë që nga viti 2000.

Vetëm se sot kur jemi në prag të vitit zgjedhor, situata ndryshon. Kur Edi Rama ka kaluar vijën e kuqe të një Kryeministri autoritar dhe Ilir Meta të Presidenti ordiner, Shqipëria është në rrezik!

Ndryshe, Arben Shehu është kandidati i katërtë i Presidentit, Ilir Meta që i dërgohet Parlamenti për votim pasi u rrëzuan, Petraq Milo, Vitore Tusha dhe Bahri Shaqirit, për të zëvendësuar Bujar Leskën i cili vazhdon të qëndroj në krye të KLSH edhe pse i ka skaduar mandati.