Kryetari i ri i PD, PS mbron Lulzim Bashën dhe akuzon Sali Berishën
Viti 2012 nuk është por sot Partia Socialiste sërish akuzon Sali Berishën për aferën CEZ ndonëse është në pushtet! Qëllimi i komunistëve është më madhor se pushteti, edhe sot nuk duan të lejojnë që Kryetari i ri i PD të zgjedhet pa lejen e tyre, meqë kryetari i shkarkuar Lulzim Basha tha se jep dorëheqje.
Kështu përmes Kryetarit të Grupit Parlamentar, Taulant Balla, Partia Socialiste sërish abuzoi me Shtetet e Bashkuara, SPAK dhe u gjuajt në sulm si gjithmonë kundër pretendentit kryesor për Kryetarin e ri të PD, Sali Berisha, ndërsa i bënë kallëzimin penal, për çfarë tjetër përveç se për çështjen CEZ.
“Kam marr përgjigje për dy çështje që kam kërkuar. Kam depozituar dy kërkesa, një Prokurorit të Përgjithshëm, për kallëzimin penal të vjeshtës 2020 në ngarkim të disa shtetasve ndër ta edhe ish-kryeministrit Sali Berisha. Për këtë kam marrë përgjigje, kur jam informuar nga zoti Kraja, se për këtë çështje është regjistruar procedim penal dhe që unë që kam bërë kallëzimin më thërrasin për të thënë gjithçka di dhe ndërkohë kam marrë informacion dhe jam informuar se ka pasur kallëzim tjetër nga një qytetar për sa i përket aferës së CEZ e cila mbetet një prej aferave më të rënda në financat e vet që është dashur të hetohet. Çështjet janë bashkuar dhe mbi këtë çështje prokuroria, ka kërkuar pushim të çështjes. Çështja më pas ka ndjekur disa faza gjyqësore.
Për mua personalisht e kam drejtuar atë Komision dhe ka qenë e qartë çështja për çfarë bëhet fjalë. Nëse në përfundim të kësaj do të ketë tentime për ta mbyllur. Kush ka ngjyer gjithë trupin në atë çështje, nuk shpëton dot,” tha Taulant Balla duke abuzuar si Edi Rama dhe Lulzim Basha me SHBA, dhe deri sa Sekretari i Shtetit nuk thotë se pse Sali Berisha u shpallë NON GRATA e thotë Kryetari i Grupit Parlamentar PS:
“SHBA mbeten aleati më i rëndësishëm në rrugën tonë të anëtarësimit në BE dhe një aleat që punojmë çdo ditë për të cuar përpara procesin dhe plot reforma të rëndësishme. SHBA-të kanë shpallur zyrtarisht Berishën non grata, për shkak të minimit të demokracisë dhe sabotimin e drejtësisë në këtë vend. Në këtë këndvështrim këto tre arsyetime që kanë bindur SHBA-në për ta shpallur non grata, për mua dhe çdo qytetar e bën Berishën non grata edhe për në Kuvendin.”
Në fund, pasi paralajmëroi kallëzim të ri për pretendentin kryesor për Kryetar të ri të PD, Sali Berisha, Taulant Balla mori në mbrojtje dhe kryetarin e shkarkuar që dha dorëheqje, Lulzim Basha:
“Zhvillimet brenda PD, them se çdo të mbjellësh do të korrësh. Akuzat që Berisha bënte ndaj meje i bën sot ndaj Bashës. Ajo që për ne ka rëndësi, është se kemi thënë që kemi vetëm një aleat në këtë mandat, që është populli i thjeshtë që kemi detyrime dhe punë për të bërë. Koha është për të thënë e rithënë që vijon të zbatohet me përpikmëri rezistenca sociale.”
