Kryetari i shkarkuar i PD, Gr. Parlamentar i hap dyert dhe i mbyll Grupimit Dhjetor’90
Mullinjë vazhdon të mos ketë në Partinë Demokratike por betejë me erëra të forta edhe më shumë se sa që i ka menduar sinoptikani në PD, Edi Rama. Mëkëmbësi i tij dhe Kryetari i shkarkuar i PD, Lulzim Basha, pasi mblodhi Këshillin Kombëtar dhe miratoi një Rezolutë kundër Kuvendit të ligjshëm Kombëtar i cili u zhvillua më 11 Dhjetor, thirri dhe Grupin Parlamentar të Partisë Demokratike ku Kryetari i shkarkuar i PD u dha udhëzime deputetëve demokratë që aktivitetin parlamentar të javës ta ndërthurin me aktivitetin përgatitor në strukturat e Partisë në lidhje me përgatitjet për Kuvendin Kombëtar të thirrur nga Kryesia e shkarkuar e PD, në datë 18 dhjetor.
Risi e politikës së Kryetarit të shkarkuar të PD është udhëzimi që u dha deputetëve që t’u gjenden pranë familjeve dhe bizneseve që kanë vuajtur pasojat e përmbytjeve të ditëve të fundit, kujdes i cili nuk ka ekzistuar që zbulimi i madh se liderit historik i PD, Sali Berisha është antiamerikan!
Dhe, derisa dyert ishin të hapura për Grupin Parlamentar të PD në luftën e Kryetarit të shkarkuar për proamerikanizëm në parti, ato u mbyllën për Grupimin e Dhjetorit ’90. Jo thjeshtë që iu mbyllën zyrat por ato u mbyllën derisa disa prej anëtarëve të Kryesisë ishin brenda. Këtë veprim që vetëm terrorist e denoncoi vetë kreu i Grupimit Dhjetor 90, Bislim Ahmetaj, duke shtuar se që të dilnim nga zyrat u desh të shpërthenim një derë.
“Jemi para jush për një ngjarje të pazakontë, kisha thirrur kryesinë e ‘Dhjetorit 90’, zyrë që e kemi prej 25 vitesh, sot u gjendëm përballë një ngjarje me njerëz të vegjël duke na mbyllur derën, dhe na mbyllën derën e brendshme duke na lënë në zyrën tonë, duke mos ndruar bravën tonë por dy zyrat e tjera, është gjest i ulët shërbimi nuk di gjë personeli. Eshtë diçka shumë e ulët që e ul atë minimum reputacioni që te ketë një njeri i zakonshëm. Shpërthyem njërën nga dyert për të dalë jashtë,” tha Bislim Ahmetaj duke përfunduar:
“Para 10 ditesh zhvillova mbledhjen e kryesisë dhe mbajtëm qëndrim, ne jemi një organizatë partnere, donim të përshëndesnim vendimin e Kuvendin dhe për të rinisur fushatën e zgjedhjeve në të gjithë vendin. Kjo gjendje do të zhvillohet 4-5 ditë referendumi që i jep fund dilemës që duan të mbajnë çelësat e zyrës me dhunë. Nuk do të ndodhë asnjë konflikt sepse vendos anëtarësia, ai njeri është i shkarkuar por nuk janë çelësat që e bëjnë atë kryetar!”
