Kryetarja e Bashkisë Shkodër, Voltana Ademi konfirmohet pozitive me COVID-19

Kryetarja e Bashkisë Shkodër, Voltana Ademi, ka rezultuar pozitive me COVID-19. Një ditë më parë, pas disa dyshimeve nga kontaketet që ka pasur me disa persona, ajo ka bërë tamponin pranë strukturave të shëndetësisë dhe sot në përgjigjen zyrtare ka rezultuar pozitive ndaj COVID-19.

Pas këtij konfirmimi, kryebashkiakja nuk ka dalë në zyrëdhe mësohet se tashmë është izoluar derisa të marrë përgjigjet e tjera. Gjendja shëndetësore e Voltana Ademit është mirë dhe nuk simptoma.

Tashmë pritet që punonjës dhe drejtues të tjerë të Bashkisë Shkodër që kanë patur kontakte me kryebashkiaken t’i nënshtrohen tamponëve ndërsa zyra e kryebashkiakes do të dezinfektohet ashtu si dhe mjediset tjera ku ajo ka lëvizur.

Kohë më parë në Bashkinë Shkodër rezultoi pozitive Nënkryetarja Emilia Koliqi dhe disa punonjës të tjerë që e kanë kaluar tashmë dhe janë shëndosh e mirë.