Kryetarja e re e KLP, Mirela Bogdani

Kandidatja e vetme për kryetare të Këshilli i Lartë i Prokurorisë, Mirela Bogdani, u zgjodh kryetare e KLP ashtu siç u zgjodhë në KLP nga parlamenti, me votat e socialistëve.

Ashtu si për liderin e saj Edi Rama edhe për Mirela Bogdanin zotimi i parë nuk është drejtësia por bashkëpunimi me ndërkombëtarët, më pas i vjen radha synimit të reformës së sistemit gjyqësor.

“Për mua është tepër e rëndësishme puna me partnerët ndërkombëtarë, që kanë insistuar punën e Këshillit të Lartë të Prokurorisë dhe kanë vijuar mbështetjen. Do të vijoj punën me të gjitha institucionet e tjera të drejtësisë. Do të punoj për rregullimin e infrastrukturës të zyrave të KLP. Një fokus tjetër do të jetë bashkëpunimi me KLGJ, bashkëpunimi me Inspektorin e Lartë të Drejtësisë dhe me shkollën e magjistraturës,” tha Mirela Bogdani duke u kujtuar se reku i KLP duhet të reformoj dhe sistemin gjyqësor:

“Synoj të reformoj sistemin gjyqësor. Dëshiroj të përmbush të gjitha kushtet që ka vendosiur BE, me qëllim që drejtësia në vend të bëjë përpara. Synoj të rris edhe nivelin e kapaciteteve njerëzore, ku do të merren parasysh kriteret e meritokracisë dhe standardeve ndërkombëtare, ashtu edhe t’i jap rëndësi statusit të nëpunësit civil. Një pikë tjetër është edhe etika, që të ketë jetësim tjetër standardi.”

Ndryshe, Mirela Bogdani vjen në krye të Këshillit Lartë të Prokurorisë pasi Alfred Balla refuzoi ti nënshtrohet vettingut dhe KPA e largoi nga sistemi i drejtësisë 15 vjet ndërkohë mandati ti tij në krye të KLP përfundoi me 27 maj.

Mirela Bogdani u zgjodhë anëtare e KLP pas mungesës së konsensusit në parlament dhe dështimit të dy votimeve, ku socialistët vendosën ta çojnë reformën në drejtësi aty ku e çuan gjithë shtetin, në humnerrë!