KUJDES! Autostrada Ibrahim Rugova, MI: Rrëshqitje dheu në aksin Vërmicë-Gjurgjicë
Ministria e Infrastrukturës e Kosovës njofton qytetarët se pas reshjeve të shiut në drejtim të Autostradës Vermicë-Gjurgjicë në kilometrin e 53 kemi rrëshqitje të dheut, të një sasie jo të madhe, por Autosrada “Ibrahim Rugova” është e qarkullueshme. Ministria e Infrastrukturës ka sinjalizuar vendin dhe ekipet janë duke punuar për ta sanuar gjendjen.
Gjatë natës në disa rajone ka pasur reshje bore, por kompanitë e mirëmbajtjes kanë intervenuar me pastrim të borës dhe kripe sidomos ne regjionin e Pejës e Gjakovës, si dhe në viset malore.
Autostrada R6 Doganaj- Hani i Elezit, A6 Konjuh-Doganaj, rajoni i Ferizajt 1 dhe Ferizajt 2, si dhe Prishtina 2 janë krejtësisht të lira për qarkullim.
Ndërsa ne rajonin e Gjilanit 2, gjendja e rrugëve është e mirë, ka pas reshje shiu dhe në vendet me lartësi më të lartë ka mjegull. Të Gjilani 2 të gjitha rrugët janë në gjendje të mirë, në disa pjesë për shkak të reshjeve të shiut ka erodime, por që rrugët janë të kalueshme.
Po ashtu është hedhur kripë në rrugët: Prizren – Prevallë, Zhur -Dragash- Restelicë, Dragash –Brod.
Në rajonin Peja 1, ka reshje të borës me intensitet të lartë, po ashtu ka intervenime në largimin e borës dhe shpërndarjen e kripës në të gjitha rrugët që janë nën përgjegjësi të Ministrisë së Infrastrukturës.
Po ashtu është hedhur kripë në rrugët: Prishtinë-Mutivodë (segmenti Stallovë-Mutivodë), QMI -Carralevë (aksi rrugor Shtime-Carralevë) dhe Komoran-Carralevë ( aksi rrugor Salë-Carralevë).
Ministria e Infrastrukturës, bashkë me Policinë e Kosovës dhe kompanitë e mirëmbajtjes janë në terren 24 orë për t’i mbikëqyrur rrugët e Kosovës dhe për të mundësuar qarkullim normal.
Për shkak të reshjeve të mëdha të shiut, Ministria e Infrastrukturës apelon tek të gjithë qytetarët që të kenë kujdes të shtuar dhe t’i kenë veturat me pajisje dimërorë.
