Kujdes, Bordi i Qetit u zgjua nga gjumi, nafta tani 221 lekë/litri

Çmimet e naftës lëvizën në bursë, thotë Bordi i Qet Kastratit dhe Edi Ramës dhe zgjohet nga gjumi letargjik duke rrit çmimin menjëherë me 5 lekë; Dhe, s’ka turp, gënjen. Sot thotë ky Bord, çmimi u rrit në bursën Platts Mediteran të datës 10.08.2022, ku benzina u rrit me + 23$/ton dhe Gazoili u rrit me + 45 $/ton nga data  08.08.2022.

Por e vërteta është se në bursë, më 10.08.2022, çmimi i naftës evropiane Brent u ul 23 cent ose 0.2 për qind – 96.08 dollarë për barel ndërsa nafta e papërpunuar amerikane WTI u ul për 28 cent ose 03 për qind – 90.22 dollarë për barel. Nëse kësaj i shtojmë edhe rënien e dollarit mëngjesin e sotëm për 0.84 për qind ndaj euros, ku pas pesë muajve 1Euro është tregtuar 1.0297 dollarë, përrallat me rritjen e çmimit në brusë Qeti dhe Edi mund ti shesin në traun e plaçkitjes së kosovarëve dhe askund tjetër.

E meqë kanë gurin dhe arrën, Qet Kastrati dhe Edi Rama kanë vendosur që duke filluar prej sot në orën 18:00, nafta do të tregtohet 5 lekë më shumë përkatësisht 221 lekë për litër ndërsa benzina për lekë më shumë përkatësisht 202 lekë për litër.

Njoftimi

Vendimet e Bordit të Transparencës të datës 11 Gusht 2022, janë si rezultat i rritjes së çmimeve në bursën Platts Mediteran të datës 10.08.2022, ku benzina u rrit me + 23$/ton dhe Gazoili u rrit me + 45 $/ton nga data  08.08.2022.

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 202 lekë/litri,ndërsa i shitjes me shumicë jo më shumë se 190 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.