KUJDES! Durrës, sot në orën 13:00, shpërthim i kontrolluar i pallatit…

Sot në orën 13:00 është planifikuar një shpërthim i kontrolluar i një pallati 9-katësh në Durrës. Njoftimin e ka bërë Bashkia Durrës duke ju drejtuar banorëve dhe bizneseve të rrugës “Hysen Myshketa” që të marrin masat dhe të lënë dritaret dhe dyert e banesave hapur, të ulin në dysheme televizorë e kompjuter dhe çdo pajisje tjetër dhe të largohen.

Njoftim:

Inspektorati Kombëtar i Mbrojtjes së Territorit, IKMT, dhe forcat xheniere të ushtrisë Ministria e Mbrojtjes Tiranë kanë planifikuar prishjen me shpërthim të kontrolluar të pallatit 9 katësh në njësinë administrative nr. 3, rruga “Hysen Myshketa” Durrës.

? Shpërthimi do të kryhet në orën 13.00.

Për arsye sigurie njoftojmë të gjithë bizneset dhe banorët e banesave që ndodhen pranë këtij pallati që ditën e premte, datë 27 nëntor 2020, nga ora 11.00 deri në orën 18.00 të lënë hapur dritaret dhe dyert e banesave dhe subjekteve të tyre, të ulin në dysheme televizorë, kompjuter si dhe çdo pajisje tjetër që e shohin të arsyeshme dhe të largohen nga banesat dhe subjektet e tyre.

Ju falenderojmë për mirëkuptimin.