KUJDES!/ Edi Rama refuzoi “Telekom Srbija”, por…
Kryeministri Edi Rama ka arsyetuar sot refuzimin e kërkesës së “Telekom Srbija” e cila i bëri kompanisë “Telekom Albania” pas shitjes nga grupi “Deutsche Telekom” duke theksuar se bizneset serbe janë të mirëpritura në vendin tonë, por në këtë sektor strategjik kjo nuk është preferenciale.
Por a duhet të mburremi me këtë jo të Edi Ramës apo shqetësimi i ngritur i disa bizneseve është i arsyeshëm!
“Qeveria shqiptare nuk është pjesë e transaksionit që do të kryejë një kompani private, që ka një strategji tërheqje nga tregjet e vogla dhe po bën shitje në Shqipëri me kompani që do të shesë biznesin. Qeverisë shqiptare i kërkohet një mendim dhe qëndrimi i qeverisë shqiptare është i qartë: Bizneset serbe janë të mirëpritura në Republikën e Shqipërisë, por në këtë sektor strategjik nuk është preferenca jonë” tha Rama.
Pas këtij “refuzimi” bizneset shqiptare si industria e mishit dhe energjetika janë në ankth, sepse presin një marrëveshje shumë më të madhe që pritet të arrihet nën hijen e këtij patriotizmi të Edi Ramës dhe e cila do të dëmtoj rëndë këto biznese dhe ekonominë shqiptare në tërësi. Madje ky “patriotizëm” i Edi Ramës kishte dhe një kleçkë të çuditshme, që për t’u shitur sa më i madh është thënë se qeveria ka refuzuar kompaninë “Telekom Srbija” edhe pse oferta nuk është fare në emër të saj por në emër të kompanisë “M:tel” të Podgoricës, e cila është themeluar nga kompania serbe dhe kompania holandeze “Ogular”.
